JAJI DAMIAN LUBUVA KATIKA ZIARA YAKE MKOANI SINGIDA KUTEMBELEA ZOEZI LA UANDIKISHAJI LA DAFTARI LA KUDUMU LA WAPIGA KURA.

HABARI KATIKA PICHA- LEO JUMAMOSI MEI 30,2015

ZIARA YA KUTEMBELEA ZOEZI LA UANDIKISHAJI DAFTARI LA KUDUMU LA WA WAPIGA KURA YA JAJI DAMIAN LUBUVA MWENYEKITI WA TUME YA UCHAGUZI YA TAIFA  KATIKA JIMBO LA SINGIDA MJINI HAPA AKIONGEA NA WADAU WA TUME HIYO YA UCHAGUZI KATIKA OFISI YA MKURUGENZI WA MANISPAA YA SINGIDA 

Jaji Damian Lubuva Akiongea na wadau wa Tume ya Taifa ya Uchaguzi jimbo la Singida Mjini leo katika ofis ya Mkurugenzi wa manispaa ya Singida Pembeni ni Joeseph Mchina Mkurugenzi wa manispaa ya Singida ( Picha na Doris Meghji)

 

 

 

Kushoto ni mkurugenzi wa manispaa ya Singida Joseph  Mchina akiwa na Marandu katibu tawala msaidizi mkoa  wa serikali za mitaa mkoa wa singida na kulia ni Athumani Masesa afisa wa Tume ya uchaguzi katibu wa Mwenyekiti (picha na Doris Meghji)

Baadhi ya maafisa waandikishaji wa daftari la kudumu la wapiga kura wa manispaa ya Singida (Picha na Doris Meghji)

Kulia ni Magdalena Ndwete Katibu wa CCM wilaya ya Singida Mjini,Kushoto ni Mollel Mchumi wa  CCM wilaya ya Singida mjini (picha na Doris Meghji)

Viongozi wa vyama vya siasa Kulia ni Katibuwa  CHADEMA wilaya ya Singida Mjini,katikati Katibu msaidi wa UVCCM wilaya ya Singida mjini,kushoto ni Katibu mwenezi wa CUF Singida mjini(Picha na Doris Meghji)

 

Jaji Lubuva na wadau wa tume hiyo ambao ni viongozi wa vyama vya Siasa  Jimbo la Singida mjini (picha na Doris Meghji)

 

 

 

 

John Lisu: Nisimamishe

WAGOMBEA WA NAFASI ZA UONGOZI MKALAMA WAONYWA KUTOCHAFUANA KTK KIPINDI HIKI

Na,Jumbe Ismailly  -Mkalama       May,18,2015      Kuchafuana

CHAMA Cha Mapinduzi(CCM) Wilaya ya Mkalama kimekemea tabia ya baadhi ya wanachama wake wenye nia ya kutaka kugombea nafasi za uongozi kwenye uchaguzi mkuu ujao wa Rais,wabunge na madiwani baadaye mwaka huu kuacha mara moja kuanza kuwachafua viongozi waliopo madarakani.

Onyo hilo limetolewa na Mwenyekiti wa Jumuiya ya Umoja wa Wanawake Tanzania (UWT) wilaya ya Mkalama,Elipendo Machafuko alipokuwa kifungua kikao cha baraza la jumuiya hiyo wilayani Mkalama,mara tu baada ya kumpokea Mbunge wa viti maalumu (CCM) Mkoa wa Singda,Mather Mlata aliyekuwa na ziara ya siku moja wilayani hapa.

Kwa mujibu wa Machafuko wakati wakielekea kwenye uchaguzi mkuu mwezi oktoba,mwaka huu kumeanza kujitokeza wingu la watu wenye nia ya kugombea nafasi za uongozi kuanza kuwachafua viongozi waliopo madarakani,jambo ambalo linaweza kuleta mfarakano ndani ya chama.

“Tunaenda kwenye mchakato wa uchaguzi,liko wingu la kuchafuana sanaa..kama unamchafua Mather Mlata bado yupo madarakani,hivi wewe ukichafuliwa utafurahi,utatabasamu,ukimchafua mwenyekiti wa Halmashauri wakati bado anatawala kule Halmashauri atafurahi,iko hii tabia,ipoo?alihoji  mwenyekiti huyo wa UWT Mkalama.

Akizungumza na wajumbe wa baraza la UWT wilaya ya Mkalama,Mbunge wa viti maalumu (CCM) Mkoa wa Singida,Marther Moses Mlata alisema demokrasi ndani ya Chama Cha Mapinduzi ni ya kujivunia sana kwani inampa nafasi kila mwanachama kugombea,kuchagua na kuchaguliwa katika nafasi yeyote ya uongozi.

“Jamani ndani ya chama cha mapinduzi kuna demokrasia,simmeona watu wengine demokrasia hamna sasa hivi tu mnyukano,sisi kuna demokrasia inapofika wakati watu wanajitokeza ili watu wawapime,watu wachaguliwe”alisisitiza Mlata

Hata hivyo Mlata ambaye pia ni mjumbe wa Baraza la UWT Taifa aliwaweka wazi wanachama wa jumuiya hiyo kuwa yeyote yule mwenye nia na uwezo wa kuwatumikia wananchi wa Mkoa huo wakati ukifika wajitokeze kuchukua fomu na kujaza ili waombe nafasi zitakazotangazwa na chama.

Naye katibu wa UWT Mkoa wa Singida,Angela Robert Milembe alitumia fursa hiyo kuwatahadharisha watendaji wa jumuiya hiyo kwamba msaada wa vitendeakazi vilivyotolewa na Mbunge Mlata visije vikawa chanzo cha kuwafarakanisha na badala yake viwazidishie umoja na mshikamano zaidi.

Awali katibu wa CCM wilaya ya Mkalama,Amosi Shimba akimkaribisha Mjumbe huyo wa Baraza la UWT Taifa aliwahakikishia wajumbe na wanachama wa chama hicho kwamba misaada hiyo iliyotolewa na mbunge huyo siyo rushwa bali anatekeleza ilani ya chama tawala.

“Kwa sababu mbunge aliyepo madarakani anayoyafanya siyo rushwa,niombe kutoa wito kwa viongozi wengine mliopo madarakani,msipate kigugumizi,msisite,kukisaidia chama kijipange kujiandaa kwenda kwenye mchakato,mama Mlata kila la kheri”alisisitiza huku akishangiliwa na wajumbe waliohudhuriaa kikao hicho.

MWISHO. 

ZIARA YA MBUNGE WA VITI MALUM CCM MKOA WA SINGIDA -MH. MARTHA MOSSES MLATA - WILAYA YA MKALAMA

HABARI KATIKA PICHA - KUTOKA SINGIDA

Ni Mbunge wa viti maalumu(CCM)Mkoa wa Singida,Bi Marther Mosses Mlata akiongea na wananchi pamoja na wanachama wa UWT Kata ya Ibaga,tarafa ya Kirumi alipokuwa katika ziara ya kukiimarisha chama cha Mapinduzi wilayani Mkalama.

Ni Mbunge wa viti maalumu(CCM) Mkoa wa Singida,Bi Marther Mosses Mlata(wa pili kutoka kulia) akimkabidhi pikipiki mwenyekiti wa UWT Wilaya ya Mkalama,Bi Elipendo Machafuko(aliyepanda pikipiki) atakayotumia kuwatembelea wanachama wa jumuiya hiyo.Wengine walioshuhudiwa hafla ya makabidhiano hayo ni pamoja na Katibu wa CCM wilaya ya Mkalama,Bw.Amosi Shimba(wa kwanza kulia),Bi Hadija Kisuda-mwenyekiti wa UWT wilaya ya Singida vijijini(wa tatu kutoka kulia) na katibu wa UWT Mkoa wa Singida,Bi Anjela Robert(wa kwanza kutoka kushoto).

Ni Katibu msaidizi wa CCM Wilaya ya Mkalala,Bi Matrher Zingula (wa pili kutoka kulia) akimkaribisha Mbunge wa viti maalumu(CCM) Mkoa wa Singida,Bi Marther Mosses Mlata(wa tatu kutoka kulia)alipotembelea wilayani hapa kwa ziara ya kukiimarisha chama na wa nne kutoka kulia ni Mwenyekiti wa UWT Wilaya ya Singida vijijini,Bi Hadija Kisuda

 Ni Baadhi ya wajumbe wa Baraza la UWT wilaya ya Mkalama waliohudhuria kikao kilichofanyika kwenye ukumbi wa ofisi za Chama Cha Mapinduzi(CCM) Wilaya ya Mkalama.

Ni Baadhi ya pikipiki zilizokabidhiwa kwa wenyeviti wa wilaya wa UWT katika Mkoa wa Singida kwa lengo la kuwarahisishia suala la usafiri.PICHA zote Na,Jumbe Ismailly.

 Ni Katibu wa CCM wilaya ya Mkalama,Bw.Amosi Shimba(wa pili kutoka kushoto) akimkabidhi zawadi ya mbuzi aliyetolewa na wanachama wa jumuiya hiyo.Wengini ni Mbunge wa viti maalumu (CCM) Mkoa wa Singida,Bi Marther Mosses Mlata(wa pili kutoka kulia) akimpokea mbuzi,Mwenyekiti wa UWT wilaya ya Ikungi,Bi Christina S.Hamisi(wa tatu kutoka kulia),Bi Jenifer Miano-Mwenyekiti wa UWT Wilaya ya Iramba(wa nne kutoka kulia)na Mwenyekiti wa UWT Wilaya ya Singida vijiji,Bi,Hadija Kisuda(wa tano kutoka kushoto).

 Ni Mbunge wa viti maalumu (CCM) Mkoa wa Singida,Bi Marther Mosses Mlata(wa kwanza kulia)akiwakabidhi makatibu wa matawi ya jumuiya ya UWT baiskeli moja kwa kila kata.

 Ni Katibu wa UWT Mkoa wa Singida,Bi Anjela Robert( wa kwanza kushito) akimuelekeza mbunge wa viti maalumu (CCM) Mkoa wa Singida,Bi Marther Mosses Mlata(wa pili kutoka kulia) akimshauri kuonyesha zawadi aliyowapelekea wanachama wa jumuiya hiyo.Wengine ni Bi Christina S.Hamisi(wa kwanza kulia),Mwenyekiti wa UWT wilaya ya Mkalama,Bi Elipendo Machafuko(wa tatu kutoka kulia) na mwenyekiti wa UWT Wilaya ya Iramba,Bi Jenifer Miano(wa pili kutoka kushoto)

(PICHA ZOTE NA JUMBE ISMAILY)

BENKI YA POSTA KUPELEKA HUDUMA MIKOANI

Benki ya Posta yajizatiti kupeleka huduma mikioani

Na Johnson Soah, Singida

May 13, 2015

Benki ya Posta Tanzania (TPB)imejizatiti kupeleka huduma mikoani ambapo jana Maya 11 mwaka huu imefungua tawi jipya mkoani Singida, ikiwa ni ishara ya kuleta ushindani mkoani hapa.

Akizungumza katika hafla hiyo, Afisa Mtendaji Mkuu  Benki ya Posta Tanzania, Sabasaba Moshingi amesema kuwa benki hiyo imejipanga kuimarisha huduma zake kwa kufungua matawi mengi ili kuhakikisha wakazi wengi wanajiunga na benki hiyo.

“Kwa kutambua mahitaji ya wananchi tumejipanga kuimarisha huduma zetu kwa kufungua matawi mengi nchi nzima na leo mmeona tumefungua tawi jipya hapa, hivyo ni fursa kwenu wakazi wa mkoa huu na mfanye hima kuichangamkia”. Alisema.

Naye mwanyekiti wa bodi ya benki hiyo Profesa Lettice Rutashobya amesema kuwa ni vyema wananchi kutambua kuwa benki ya posta ni benki ya Watanzania, hivyo ni wajibu wao kujiunga na Benki yao.

“Wakazi wa Mkoa huu na Watanzania kwa Ujumla, hii ni benki yenu ya kitanzania hivyo ni wajibu wenu kujiunga kwani gharama zake ni nafuu”. Alisisitiza.

Kwa upande wake Kaimu Mkuu wa Mkoa wa Singida, Bw. Saidi Ally Amanzi amewahimiza wananchi mkoani Singida Kuwa na moyo wa kupenda ,kuthamini na kujivunia benki yao kuliko kuthamini vitu kutoka nje,

“ Hii ni benki yenu, wananchi  kuweni na moyo wa kupeinda, kujivunia na kuithamini”. Alisema Bw. Amanzi huku akionesha msisitizo huku akihimiza kupunguza gharama zake ili kuvutia wateja wengi zaidi.

Benki ya Posta Tanzania ina matawi ishirini na nane na mengine madogo madogo 21 na Akaunti 188 nchi nzima.

TTCL YAOMBWA KUANZISHA HUDUMA YA KUTUMA NA KUPOKEA PESA KWA NDIA YA MTANDAO WA SIMU -CHEMBA

Na, Doris Meghji Jumapili Mei 10, 2015

Kijiji cha Ovada Wilaya ya Chemba –Dodoma

Mnara wa simu ya kampuni ya TTCL uliojengwa kijiji cha Ovada wilaya ya Chemba mkoa wa Dodoma (Picha na Doris Meghji)

Kampuni ya simu Tanzania TTCL imeombwa kuanzisha huduma ya TTCL PESA ili kuwasaidia wanachi kutuma na kupokea pesa katika maeneo ambayo mtandao huo unapatikana kwa uhakikika kama mitandao mingine ya simu nchini inavyofanya.

Wananchi wa kijiji cha OVADA wilaya ya Chemba wametoa ombi hilo kwa kampuni hiyo ya simu kwenye uzinduzi rasmi wa mnara wa simu uliyojengwa katika kijiji hicho chini mradi wa kupeleka  mawasiliano vijijini  kupitia mfuko wa (UCSAF) kwa kuiomba kampuni hiyo ya simu kuanzisha huduma hiyo ya kutuma na kupokea pesa kwa njia ya simu kwa kuwa  TTCL ndio mtandao pekee unaopatikana kwa uhakika kijijini hapo

Meneja waTTCL mkoa wa Singida akitamnulisha wageni katika kijiji cha OVADA kwenye uzinduzi rasmi wa mnara wa mawasilino ya TTCL wilayani Chemba (Picha na Doris Meghji)

Wakiongea na blog hii kwa nyakati tofauti bi Garce Vicent mkazi wa Kijiji cha Ovada na bwana Chilomoto Muyuesegu wameishukuru kampuni hiiyo ya simu kwa kujenga mnara kijijini hapo kwa kuwarahisha mawasiliano kwa kuwa sasa hawana haja ya kupanda miti na milima ili kupata mtandao wa simu kwenye kufanya mawsiliano.

Meneja mkuu wa Kanda ya Kaskazini wa Kampuni ya simu TTCL  Brown Japhet akihutubia ahadhara ya Kijiji cha OVADAkatika uzinduzi rasmi wa mnara wa mawailino ya simu ya TTCL wilaya ya Chemna mkoa wa Dodoma (Picha na Doris Meghji)

“ombi letu kwa TTCL ni kutuletea huduma ya TTCL pesa ili tuweze kuwatumia au kupkea pesa kwa njia ya simu kama mitandao mingine,ili isitulazimu kuwa na simu zenye line ya mitandao mengine tukitaka kufanya hivyo walisema wakazi hao”

Baadhi ya watumishi wa kampuni ya simu ya TTCL mkoa wa Singida wakimsikiliza mgeni rasmi katika Hafla hiyo ya kuzindua mnara wa mawasilino ya simu kijiji cha OVADA (Picha na Doris Meghji)

wananchi wa kijiji cha OVADA wakiwasiliza viongozi wao katikahafla yauzinduzi rasmi wa mnara wa mawasiliano ya simu ya kampuni ya TTCL (Picha na Doris Meghji)

Kwa upande wa meneja  mkuu wa kanda ya kaskazini ya kampuni hiyo TTCL Brown Japhet ambaye anasimamia mkoa wa Kilimanjaro,Arusha,Tanga,Manyara na Singida amesema uzinduzi wa mnara huo unalenga kuhudumia zaidi ya vijiji saba katika wilaya ya Chemba ambavyo ni Ovada,Baaba,Jogolo,Dinae Mengu,Takwa na Kinyamshindo vyenye wakazi zaidi ya kumi na tano elfu wenye kugharibu takribani shilingi milioni 51,300,000/= 

Kushoto ni Meneja wa kampuni ya simu TTCL mkoa wa Singida Adolf Matondo,Katikati ni Diwani wa kataya OVADA Pius Majengo na kulia ni Brown Japhet meneja mkuu wa kanda ya kaskazini wa TTCL (Picha na Doris Meghji)

Aidha amewaomba wananchi wa vijiji hivyo kutunza na kulinda miundo mbinu ya mnara huo ambao unawapatia mawasiliano kwa kuunga mkono jitihada za serikali kuhakikisha upatikanaji wa mawasilino kwa urahisi zaidi kwa kuchangia ukuaji wa maendeleo katika maeneo ya vijijini.

Mh. Diwani Pius Majengo  wa kata ya OVADA Akihutubia wananchi wa kikiji cha Ovada katika uzinduzi rasmi wa mnara wa mawasilino ya simu ya TTCL (Picha na Doris Meghji)

Naye Diwani wa kata hiyo ya OVADA bwana Pius Majengo  kwa niaba ya mgeni rasmi Mkuuwa wilaya ya Chemba ametoa taadhari kwa wananchi wa kijiji na kata hiyo kutumia fursa hiyo ya mawasilino ya TTCL kutumia vizuri kwa kupeana taarifa na sio kwa matumizi mengine ya kutukana nana au laa kwa kuwa na mawsiliano kusilete matatizo miongoni mwao.

Viongozi wa kampuni ya TTCL wakiwa pamoja na mgeni rasi Diwani wa kata ya OVADA wilaya ya chemba mkoani Dodoma kwenye uzinduzi rasmi wa manara wa mawasiliano ya simu ya TTCL kijijini hapo (picha na Doris Meghji)

Brown Japhet meneja mkuu wa kanda ya kasikazini ya kampuni ya TTCL akihutubia wananchi wa kijiji cha ovada katika uzinduzi rasmi wa manara wa masilioano ya simu toka kampuni ya TTCL wilaya ya Chemba mkoa wa Dodoma (Picha na Doris Meghji)

Ujenzi wa mnara huo ulianza rasmi Februari mwaka 2014 na uzinduzi kufanyika MEI 07 MWAKA HUU.

Kwayaya parokia ya OVADA ikitumbuiza katika hafla ya uzinduzi wa mnara wa kampuni ya TTCL  wilaya ya Chema mkoa wa Dodoma(Picha na Doris Meghji)

Mjumbe wa bodiya shule ya Sekondari akipokea mmoja ya simu iliyotolewa na Kampuni ya SIMU ya TTCL katika uzinduzi rasmi wa manara wa simu katika kijiji cha OVADA (Picha na Doris Meghji)

MWISHO.