CHINA KUWEKEZA MKOANI SINGIDA

Na Evarista  Lucas

Singida

Machi 21, 2014

 Mkuu wa Mkoa wa Singida Dk.Parseko Kone amemshukuru balozi wa watu wa China nhini Tanzania  Dk. Lu Youqing; kwa ,kuonesha nia ya kushirikiana naye katika kuleta maendeleo ya Mkoa hasa kusaidia kupata wawekezaji  katika mradi wa umeme wa nishati ya upepo.

Katika ziara ya Balozi Youqing na viongozi wengine wachina iliyofanyika ofisini kwa Mkuu wa Mkoa mapema jana; ilikuwa na lengo la kujadili mipango ya sasa na  ya baadae ya kimaendeleo Mkoani hapa na kuona maeneo ya uwekezaji  ambayo yatainua pato la Mwananchi.

Dk.Kone amesema; umeme  wa upepo hautanufaisha  mkoa wa Singida peke yake bali Taifa kwa ujumla kwa kutoa fursa za ajira, ongezeko la viwanda na pia umeme wa uhakika.

Aidha ; Dk.Kone ameongeza kusema  kuwa wawekezaji kutoka China wana fursa mbali mbali za uwekezaji Mkoani Singida kama vile kilimo na ufugaji na kutilia mkazo uwekezaji katika mazao ya alizeti, vitunguu, pamba na mpunga.

Sanjari na hayo Kone ameongeza kusema kuwa licha ya Wananchii wa Mkoa wa Singida kufuga kuku wa asili ambapo muwekezaji ukifanyika utawaongezea kipato; Mkoa wa Singida unatoa asali bora nchini.

Amesema; kutokana na Mkoa kutoa asali bora uwekezaji katika sekta ya aufugaji nyuki, kiwanda cha uchakataji asali n anta utaongeza thamani ya mazao hayo. 

Kwa upande wake Balozi Youqing amesema kuwa wawekezaji kutoka China wako tayari kuwekeza Mkoani Singida na kuwa tayari Kampuni moja kutokam China imeonesha nia ya  ya kutaka kuwekeza katika umeme wa nishati ya upepo.

Pia Youqing amesisitiza kuwa kutokana na na historia ya ushirikiano mzuri uliopo kati ya Tanzania na China kwa sasa Sekretarieti za Mikoa na Serikali za Mitaa zina fursa ya kushirikiana  na Mamlaka za Serikali za Mikoa nchini China ili kujifunza teknolojia mbali mbali na kutafuta Kampuni za uwekezaji.

MWISHO

Click here to Reply, Reply to all, or Forward