SINGIDA - KUZIMWA RASMI MITAMBO YA MATANGAZO YA TELEVISHENI YA MFUMO WA ANALOJIA MACHI 31 SAA SITA USIKU - TCRA YASEMA.

Na, Doris Meghji Ijumaa  Machi 28,2014

Singida

INNOCENT MUNGY MENEJA MAWASILIANO (TCRA) AKIJANDAA KUTOA TAARIFA KWA VYOMBO VYA HABARI MKOA WA SINGIDA JUU YA UZIMAJI RASMI WA MITAMBO YA URUSHAJI WA MATANGAZO YA TELEVISION YA ANALOJIA KWENDA DIJITALI MACHI 31 SAA SITA USIKU.

Mamlaka ya mawasiliano nchini Tanzania (TCRA) imeagiza watoa huduma za kusambaza ving’amuzi walioko mkoani Singida kuhakikisha wanakuwa na ving’amuzi vya kutosha  imeelezwa.

MWAANDISHI WA HABARI  NATHANIEL LIMU,KATIKATI NI SHABANI MSANGI AFISA HABARI WA JESHI LA POLISI NA JUMBE ISMAILLY MWAKILISHI WA CHANELI TEN KATIKA KIKIAO CHA WAANDISHI WA HABARI NA MAMLAKA YA MAWASILIANO (TCRA).

Akiongea na vyombo vya habari mkoani Singida Innocent Mungy meneja wa mawasiliano wa mamlaka ya mawasiliano  Tanzania (TCRA) ametoa agizo hilo kwa niaba ya mkurugenzi mkuu wa Mamlaka ya Mawasiliano Tanzania (TCRA) katikati ya wiki hii katika ukumbi Utemini ndani ya hoteli ya Katala Beach Resorts manispaa ya Singida

KATIKATI  NI INNOCENT MUNGY MENEJA WA MAWASILIANO WA TCRA  AKIFUATILIA JAMBO TOKA KWA WAANDISHI WA HABARI MKOA WA SINGIDA WAKATI AKITOA TAARIFA KWA VYOMBO VYA HABARI JUU YA UZIMAJI MITAMBO YA ANALOJIA AWAMU YA PILI.

Agizo hilo limekuja zikiwa zimebaki siku chache kabla ya uzimaji rasmi wa Mitambo ya kurusha matangazo ya televisheni ya mfumo wa analojia kuzimwa mkoani hapa.

MWANDISHI AWILA SILLA AKIWA KBH KATIKA KIKAO NA TCRA JUU YA UZIMAJI MITAMBO MFUMO WA ANALOJIA KWENDA DIJITALI MACHI 31 SAA SITA USIKU MKOANI SINGIDA

Kwa mujibu wa bwana Mungy amesema “tumefanya ukaguzi katika mji wa Singida na tumehakikisha viko ving’amuzi vya kutosha na tumehakikishiwa kuwa vingine viko njiani kuja mjini Singida kati ya leo na kesho ambako zaidi ya ving’amuzi 5000 vitakuwa madukani” alisisitiza Mungy.

 

MWANDISHI WA HABARI BI EVALISTA LUCAS  NA DAMINO MKUMBO KWENYE KIKAO HICHO KBH HOTELI NA TCRA MKOANI SINGIDA

Katika kufafanua zaidi Meneja Mawasiliano  Mungy amewataka wananchi wa mkoa huo kuhakikisha wanapataiwa risiti na waranti ya mwaka mmoja ya king’amuzi chake pale atakapo nunua kinga’muzi hicho kwa wasambazaji na wauzaji wa ving’amuzi hivyo.

 

BI MARY MSUYA KATIBU WA BARAZA LA USHAURI LA WATUMIAJI WA HUDUMA ZA MAWASILIANO (TCRACCC) AKIJIBU BAADHI YA MASWALI TOKA KWA WAANDISHI WA HABARI MKOA WA SINGIDA.

Aidha Mungy ameeleza na kutaja maeneo ambao yatahusika na mabadilko hao kuwa ni matangazo kwa njia ya utangazaji wa Satelaiti, Waya (cable)  na radio hivyo amewataka wananchi wa mkoa wa Singida kutotupa Luninga zao za analojia bali wanunue ving’amuzi ili kupata matangazo ya dijitali.

MWANDISHI WA HABARI SHABANI MSANGI AFISA HABARI WA JESHI LA POLISI AKIULIZA SWALI KWA MAMLAKA YA MAWASILIANO TANZANIA (TCRA) KWENYE MKUTANO WA TCRA NA WAANDISHI WA HABARI KBH HOTEL MANISPAA YA SINGIDA

Akijibu baadhi ya maswali toka kwa waandishi wa habari mmoja ya swali kuhusu suala la watu wanaopata matangazo kwa njia ya satelaitidishi na waya (cable) bwana Mungy amewakikishia wananchi na wakazi wa mkoa wa singida kuwa kwa wale wote wanaopata matangazo ya televisheni kwa kutumia madishi na waya kuwa wao hawatahusika na mabadiko hayo ya mfumo wa analojia kwa kuwa wao wako tayari kidijitali.

Naye Mary Msuya katibu mtendaji wa baraza la ushauri la watumiaji wa huduma za mawasilianao (TCRACCC) amewataka wananchi wa mkoa wa singida kununua ving’amuzi kwa wazambazaji wanaotambulika na mamlaka hiyo ambao ni Uncle JJ,Msele fashion,Mushi Original,Bei Mpya,Super Dealers,na Sam electronics ndani ya Manispaa hiyo ya Singida

INNOCENT MUNGY MENEJA WA MAWASILIANO WA TCRA AKIJIANDAA KUTOA TAARIFA  KWA VYOMBO VYA HABARI KATIKA MAANDALIZI YA UZIMAJI WA MITAMBO YA MATANGAZO  TELEVISHENI TOKA MFUMO WA  ANALOJIA  KWENDA DIJITALI.

Bwana Mungy amezitaja faida za kuhamia dijitali ni pamoja na muonekano mzuri wa picha za televisheni,ongezeko la  vituo vitano vya ndani ya televisheni kuonekana kuoneka katika mfumo huo ukilinganisha na muonekano wa kituo kimoja cha televisheni kilichokuwa kikioneka katika mfumo wa analojia ambavyo ni TBC,STARTV,ITV,Chanel Ten, na EastTV.

 

BAADHI YA WAANDISHI WA HABARI KATIKA KIKAO NA TCRA - NDANI YA KATALA BEACH HOTEL MKOANI SINGIDA

 Hata hvyo uzimwaji  rasmi wa mitambo hiyo ya utangazaji ya mfumo wa analojia utafanyika Machi 31 saa sita Usiku mwaka huu ikihusisha mkoa wa Singida na Tabara ikiwa ni awamu ya pili ya uzimaji wa mitambo ya kurushia matangazo ya analojia nchini Tanzania.

MWISHO