AKAMATWA KWA KUUA MTOTO NA KUMTUPA VICHAKANI

Na Evarista Lucas

Singida

Februari 18,2014

 

Jeshi la  polisi mkoani Singida linamshikilia  bi Naomi Daud  mkazi wa Muhawa kata ya Mungumaji mkoani hapa kwa kosa la kumuua mtoto wake na kisha kumtupa vichakani.

Akitoa taarifa kwa vyombo vya habari ofisini kwake mapema jana; kamanda wa Polisi mkoa wa Singida  ASCP Geofrey Kamwela amesema; Mtuhumiwa alikamatwa nyumbani kwao Muhawa mara baada ya polisi kupata taarifa za siri  na kufanikisha kukamatwa kwa mtuhumiwa.

 

Amesema;  katika uchunguzi wa awali ambao unaonesha kuwa mtuhumiwa alijifungua  nyumbani kwao usiku wa manane siku ya tarehe 04.02.2014  kwa kujizalisha mwenyewe huku mama yake mzazi akimshuhudia na asijue la kufanya; alijifungua salama na mtoto akiwa mzima.

 

Kamanda Kamwela ameeleza kuwa; mara baada ya kujifungua binti huyo alimywesha mtoto huyo lita nzima ya maji ya mvua kutokana na mvua iliyokuwa ikinyeesha hali iliyopelekea mtoto huyo kutapika sana na  baada ya lisaa limoja kichanga hicho kilipoteza maisha.

 

Licha ya kitendo hicho cha kikatili dhidi ya kiumbe kisicho na hatia; binti huyo na mamae walishinda na maiti hiyo siku nzima na  siku ya tarehe 05.02.2014 majira ya saa 02:00 za usiku walitoka na kwenda kukitekeleza kichanga hicho  eneo la Bomani umbali zaidi ya kilometa tatu  kutoka mahali wanapoishi.

 

Aidha; Kamanda Kamwela amefafanua kuwa kuwa kukamatwa kwa binti huyo kumetokana na tukio la kuokotwa kwa mwili wa mtoto mchanga siku ya tarehe 12.04.2014 majira ya saa 02;00 asubuhi eneo la Bomani baada ya kutupwa na mwanamke ambaye hakujulikana.

 

Mtuhumiwa Naomi Daudi antarajiwa kufikishwa mahakamani kujibu tuhuma zinazomkabili mara baada ya taratibu za kiuchunguzi kukamilika.

MWISHO.