ZAIDI YA MILION 684 - ZAPATIKANA KUTOKANA UKIUKWAJI WA SHERIA ZA USALAMA BARA BARANI - MKOANI SINGIDA

Na, Doris Meghji Jumamosi, Februari 01, 2014

Jeshi la polisi mkoani Singida limekusanya  zaidi ya shiling milioni 684 kutokana na tozo ya makosa mbali mbali ya ukiukwaji wa sheria za usalama barabarani katika kipindi cha mwaka 2013.

 

Kamanda wa jeshi la Polisi Mkoa wa Singida SACP Georfey Kamwela akitoa  taarifa ya mwaka ya hali ya uhalifu mkoa wa Singida (Picha na Doris Meghji)

Akitoa taarifa ya mwaka ya hali ya uhalifu mkoani singida kwa kipindi cha mwako 2013 kwa waandishi wa habari,kamanda wa jeshi la Polisi Mkoa wa Singida SACP Geofrey Kamwela amebainisha hayo katika taarifa hiyo jana  ofisi kwake.

Baadhi ya waandishi wa habari na afisa wa habari katika wa jeshi la polisi mkoa wa singida wakichukua taarifa kwenye kamera za toka kwa kamanda wa jeshi hilo jana ofisini kwa kamanda huyo (Picha na Doris Meghji)

Kwa mujibu wa kamanda Kamwela amesema“kutokana na ukiukwaji wa sheria za usalama barabarani jumla ya shilingi milioni 684 900,000/= zilikusanya kwa njia ya tozo, kiasi hicho ni ongezeko la shilingi milioni 185,100,000/= sawa na asilimia 37 ikilinganishwa na kipindi cha mwaka 2012”.alisema kamanda huyo.

 

Kamanda  Geofrey Kamwela akiendela kutoa taarifa ya mwaka 2013 ya hali ya uhalifu mkoa wa singida (Picha na Doris Meghji)

Katika kutaja makoso hayo amesema jumla ya makosa 22,584  madogo madogo ya ukiukwaji wa sheria za  usalama barabarani yaliyoripotiwa, watu 20,127 walikamatwa mkoani hapo na kutozwa tozo.

 

Baadhi ya waandishi wa habari wa mkoa wa singida wakiwa makini kufuatila taarifa hiyo ywa mwaka ya hali ya uhali mkoani Singida katika Ofisi ya kamanda ya jeshi la polisi Mkoa (Picha na Doris Meghji)

Aidha kwa kipindi cha mwaka huo wa 2013 kulitokea ajali 246 ambapo kati ya ajali hizo ajali 116  zilisababisha watu 129 kupoteza maisha sawa na ongezeo la asilimia 0.8 ya ajali zilizotokea mwaka 2012,huku watu 299 walijeruhiwa katika ajiali hizo ambayo ni pungufu kwa asilimia 15 zikilinganishwa na majeruhi 353 ya majeruhi kwa mwaka 2012.

 

Mwandishi wa habari na mmoja wa afisa wa polisi wakisikiliza taarifa hiyo tokakwa Kamanda Geoferey Kamwela (Picha na Doris Meghji)

Hata hivyo jeshi la polisi mkoani Singida limewatahini watu 2,845 kwa mafunzo ya udereva na kufaulu na kepewa leseni za udereva kati hao 436 wakiwa ni  pikipiki kwa kipidi cha mwaka 2013.

 

Kamanda SACP Geofrey Kamwela akitoa taarifa ya hali ya uhalifu ya mwaka mkoa wa Singida katika kipindi cha Janauari 2013 hadi disema 2013 (picha na Doris Meghji)

Hivyo jeshi hilo mkoani Singida limesema juhudi bado zinaendelea kufanyika kwa kufanya kazi za operesheni kwa kushrikiana na wadau wengine kama SUMATRA na TAMISEMI ili kudhibiti ajali za barabarani hasa kwenye njia kuu na kwenye vituo vya mabasi yaendayo mikoni na vijijini na maeneo tete yalibanishwa na jeshi hilo.

MWISHO.