APOTEZA MAISHA BAADA YA KUPIGWA JIWE KICHWANI

Na Evarista Lucas
Singida,
Feb  19,2014

Mkulima  na mkazi wa kijiji cha Unyanga kata ya Mungumaji Mkoani Singida Bwana Petro Soghwenda (86);  amepoteza maisha nyumbani kwake akiwa katika harakati za kupelekwa hospitali mara baada ya kupikwa jiwe sehemu za kichwani.

Katika taarifa yake kwa vyombo vya habari mapema leo; Kamanda wa jeshi la Polisi mkoani  Singida  ASCP  Geofrey Kamwela amesema kuwa; marehemu Soghwenda alipoteza maisha siku ya tarehe 18.02.2014 baada ya kushambuliwa na Maria Daudi (16) ambaye pia ni mkulima na mkazi wa Unyanga.

 Aidha; Kamanda Kamwela amesema kuwa  katika uchunguzi wake wa awali, Jeshi la polisi mkoani hapa limebaini kuwa mtuhumiwa ana tatizo la akila na ugonjwa wa kifafa.

Ameongeza kuwa chanzo cha tuko hilo bado hakijafahamika lakini mtuhumiwa  Maria Daudi  anashikiliwa na jeshi la polisi mpaka pale uchunguzi utakapo kamilika na mtuhumiwa kufikishwa makamani kujibu tuhuma zinazomkabili.

 Mwili wa Marehemu Petro  Soghwenda umehifadhiwa katika hospitali ya Mkoa wa Singida.

MWISHO