WALIMU KUFUNDISHWA JUU YA TEHEMA

Na Evarista Lucas

Singida

Februali 18,2014

Asilimia 54 ya walimu waliotarajiwa kupata mafunzo ya teknolojia ya habari na mawasiliano(TEKNOHAMA) ngazi ya cheti; yanayoendeshwa  kwa ushirikiano wa chuo kikuu huria Tanzania na “African Virtual University”(AVU).

Hayo yamebainishwa mapema jana wakati wa ufunguzi wa  mafunzo hayo  ya wiki mbili na mkuu wa idara ya mafunzo na ushauri Taasisi ya Elimu na Menejimenti ya teknolojia chuo kikuu huria Tanzania; Bwana Benjamin Bussu.

Ndg Benjamini Bussu akiwaeleza washiriki umuhimu wa mafunzo haya kwa waalimu kwa njia ya Teknolojia ya Mawasiliano(Internet).Picha na Doris Meghji

Amesema; mafunzo hayo ambayo yamelenga kuwaongezea ujuzi walimu  juu ya teknolojia ya habari  na mawasiliano haswa wale wanaofundisha masomo ya Sayansi na Hisabati ili kuendana na soko la ushindani katika nyanja za Sayansi na Teknolojia.

Bussu amesema kuwa, upungufu huo wa walimu hao umepelekewa na washiriki kukosa msaada kutoka wilaya husika ikiwa ni pamoja na Halmashauri nyingi kusema  kuwa   hazina pesa za kutosha kuwagharamia walimu hao hali iliyowafanya baadhi yao kujigharamikia nauli ili wapate kuhudhuria mafunzo hayo.

Bussu amesema kuwa licha ya baadhi ya wakurugenzi kukataa kuwalipia  walengwa gharama za usafiri; ameitaja  sababu nyingine kuwa huenda taarifa juu ya mafunzo hayo  hazikuwafikia walengwa kama ilivyotakiwa licha ya taarifa kupelekwa kwa makatibu tawala wa mikoa yote Tanzania.

 

Mbali na hayo, Bussu ametoa wito kwa viongozi na walimu kwa jumla kutambua umuhimu wa mafunzo haya kwa kuzingatia mabadiliko na maendeleo ya sayansi na teknolojia ambapo Tanzania ni nchi ya  nne kwa Afrika mashariki ikilinganishwa nan chi za Rwanda, Burundi na Kenya ambao wamepiga hatua katika Nyanja hii.

Kwa upande wake mkurugenzi wa chuo kikuu huria tawi la Singida Dk. Mbaraka Msangi amesema kuwa, mafunzo hayo ni chachu katika  maendeleo ya nchi yetu kwa kuwa yamekuja kwa wakati muafaka ambapo dunia imeingia katika ulimwengu wa sayansi na teknolojia.

Msangi amewataka  walengwa kuyatumia vizuri mafunzo hayo ili kuleta mabadiliko katika Nyanja nzima ya soko la elimu haswa kwa masomo ya sanyansi na ukizingatia kuwa nchi inakabiliwa na tatizo la waalimu wa masomo y sayansi.

 

Mkurugenzi wa Chuo kikuu Huria cha Tanzania tawi la Singida Ndg.Mbaraka Msangi akitoa neno kwa washiriki wa mafunzo

Waalimu wanafunzi wakifuatilia hotuba toka kwa Mkurugenzi wa Chuo kikuu Huria cha Tanzania tawi la Singida katika ufunguzi wa mafunzo jana mkoani Singida

Akilinganisha uchukuaji wa masomo katika mchepuo wa masomo ya Sayansi halisi(pure Science) kwa kipindi cha miaka ya sabini na sasa; Msangi amesema kuwa kipindi cha nyuma wanafunzi walikuwa wakigombea kusoma mchepuo wa Sayansi tofauti na sasa ambapo wanafunzi wanakimbilia masomo ya sanaa. 

Mafunzo  hayo ya TEKNOHAMA ambayo yalipaswa kuwa na washiriki mia tatu(300) na badala yake wameshiriki walimu 138 kwa Tanzania nzima; yana lengo la kuwafundisha walimu wa shule za sekondari nchini ili waweze kuhamasisha na kufundisha zaidi masomo ya Sayansi na Hisabati.

Kwa kituo cha Singida; mafunzo haya yamewakutanisha walimu kutoka mikoa ya mikoa ya Arusha, Manyara na  mwenyeji mkoa wa Singida ambapo wanaoshiriki mafunzo hayo ni wanafunzi 20 tu badala ya thelathini na sita.

MWISHO