KUKAMILISHA UJENZI WA VYUMBA VYA MAABARA SEKONDARI ZA KATA

Na Evarista Lucas
Singida,
feb 19,2014

Mkuu wa wilaya ya Singida   Mheshimiwa Queen Mlozi amezitaka kata ambazo hazijakamilisha ujenzi wa vyumba vitatu vya maabara katika shule za sekondari za kata kukamilisha ujenzi huo mara moja.

Akihutubia baraza la madiwani katika kikao cha baraza la madiwani wa Halmashauri ya wilaya ya Singida mapema leo; Mlozi amesema kuwa hatosita kuwachukulia hatua kali na za kisheria madiwani na watendaji wote ambao hawajakamilisha ujenzi wa vyumba hivyo.

Amesema; shughuli ya ujenzi ni agizo lililotolewa na Mheshimiwa rais mnamo tarehe 05.11.2012 akiwa ziarani mkoani Singida na kukumbusha  utekelezaji wa jambo hilo kwa wakuu wa Mikoa.

Sanjari na hayo Mlozi amezitaja baadhi ya shule za sekondari za kata zilizopiga hatua katika ujenzi wa vyumba hivyo vya maabara kwa kiwango cha asilimia themanini kuwa ni pamoja na Makuro, Makhojoa, Mrama na Itaja.

Katikaa kikao hicho kilichofanyika katika ukumbi wa mikutano wa Halmashauri ya Wilaya ya Singida, Mllozi amewataka madiwanihao kuhakikisha ujenzi wa vyumba hivyo unakamilika Juni 30 mwaka huu (2014) kama walivyoagizwa na kuwa baada ya hapo  sheria kali itachukuliwa dhidi yao.


Ameongeza kuwa endapo kata husika haitakuwa imekamilisha ujenzi wa vyumba hivyo; atawawajibisha diwani na mtendaji wa kata husika kwa mamlaka aliyopewa chini ya kifungu cha 14 na 15 vya sheria ya Tawala za mikoa na Serikali za mitaa ya mwaka 2002 kwa kuvunja amri halali ya kujenga vyumba vitatu vya maabara.

Kwa upande mwingine; Mlozi amewapongeza baadhi ya viongozi wenzie waliofanya jitihata kubwa katika kukamilisha ujenzi wa vyumba hivyo vya maabara.

MWISHO