MANISPAA YA SINGIDA YATARAJIA KUTUMIA ZAIDI YA SHILINGI BILIONI 32 KATIKA KIPINDI CHA MWAKA WA FEDHA 2015/ 2016

Na, Doris Meghji   Ijumaa Januari 30,2015

Singida – Manispaa

Kushoto ni Mkurugenzi wa manispaa a Singida Joseph Mchina,Katikati ni Mstahiki Meya wa manispaa ya Singida  Shekhe Mahame kulia ni  Naibu meya wa manispaa hii (picha na Doris Meghji)

Zaidi ya shilingi bilioni 32.25 zinatarajia kutumika katika halmashauri ya manispaa ya singida ikiwa ni makisio ya mpango na bajeti ya mwaka wa fedha 2015- 2016 mkoani singida

Mchumi wa manispaa ya Singida  Nurfus Azizi Ndee  akiwakilisha makisio ya mpango na bajeti ya mwaka 2015-2016 katika baraza la madiwani( picha na Doris meghji)

Akisoma  kwa niaba ya mkurugenzi wa manspaa ya Singida makisio ya mpango na bajeti ya mwaka fedha 2015/2016 mbele ya kikao cha baraza la madiwani wa manispaa ya Singida  mchumi wa Manispaa hiyo Nurfus Azizi Ndee amesema jumla ya shilingi bilioni thelathini na mbili, milioni mia mbili hamsini na saba,laki tatu sabini na nne  elfu  mia nne sabini na mbili zinatarajiwa kutumika katika kipindi hicho cha mwaka wa fedha.

Mstahiki Meya wa Manispaa ya Singida akifungua kikao cha baraza la madiniwani katika kupitisha makisiao na mpango wa bajeti ya manispaa hiyo 2015- 2016 (Picha na Doris Meghji)

Aidha ametaja jumla ya shilingi 20,883,349,248/= kwa ajili ya mishahara ya na matumizi mengine ya manispaa hiyo,shilingi  bilioni 1,780,450,000 zikiwa ni fedha za matumizi ya kawaida, fedha za rukuzu ya  miradi ya maendeleo toka serikali kuu  ni shilingi bilioni 6,403,326,223.62/= huku shilingi bilioni 2,986,364,000/= ni mapato ya ndani ya manispaa ya singida katika kipindi hicho cha mwaka wa fedha.

baadhi ya madiwani wa manispaa ya singida wakisikiliza taarifa ya makisio ya bajeti ya manispaa yao (picha na Doris Meghji)

Kwa mujibu wa mchumi Ndee amezitaja changamoto mbali mbali zinazoikabili manispaa hio kuwa ni pamoja na kuongezeka kwa uhitaji wa huduma za kijamii,uhitaji wa maafisa ugani,uhitaji na uboreshaji wa miundombinu mbali mbali  hasa za barabara,masoko na shughuli za kuitawala hii ni kutokana na changamoto ya ukuaji haraka wa manispaa ya Singida.

Mh. Yagi Kiaratu diwani wa viti maalum ccm akiunga mkono makisio ya mpango na bajeti ya manispaa hiyo kwa niaba ya madiwani wa manispaa ya singida (picha na Doris Meghji0

Mwisho