DAWATI LA JINSIA LA JESHI LA POLISI MKOA WA SINGIDA

Na, Doris Meghji Ijumaa Oktoba 11,2013 

Singida

Jeshi la polisi mkoani singida kupitia dawati la Jinsia linakabiliwa na changamoto mbali mbali katika kutekeleza majukumu  yake

ikiwa pamoja na umbali na ukubwa wa  eneo, mila potofu na uwelewa mdogo wa sheria miongoni wa jamii  mkoani humo.

Hayo yamejidhiirisha wazi wakati wa mahojiano na Afisa Mnadhimu wa Jeshi la Polisi mkoa wa singida SSP Cordula Lyimo kwa niaba ya kamanda wa jeshi la polisi mkoa wa singida ACP Geofrey Kamwela juu ya dawati la jinsia linavyofanya kazi mkoani hapo.

Aidha Afisa Mnadhimu huyo wa Jeshi la Polisi ameyataja makosa mbali mbali ambayo jamii  imkekuwa ikiyafanya na  kuripotiwa katika dawati hilo kuwa ni kubaka,kumpa mimba mwanafunzi,kulawiti ,kutupa watoto, shambulio la aibu ,kujeruhi, kutishia kuua kwa maneno ,kutelekeza famila na mauaji 

Kwa mujibu wa Afisa Lyimo amesema makosa mengi ya mauji husababishawa zaidi na wivu wa kimapenzi,imani za kishirikina na hofu ya kutambulika baada ya kubaka.

Katika kufuatilia kesi za ubakaji amesema kesi nyingi za ubakaji zinashindwa kumalizika vizuri na kuishia kufutwa kutokana na ushrikiano duni toka kwa wahusika walifanyiwa kitendo au mashahidi 

Hata hivyo Afisa huyo wa jeshi la polisi amesema jeshi la polisi kupitia dawati la jinsia limejipanga vyema kuendelea kutoa elimu kwenye vitongoji,vijiji kata,tarafa na wilaya  kwa kutumia askari kata,askari wa dawati la jinsia na mtandao wa wanawake wa jeshi la polisi,ikiwa ni pamoja na kuwaomba wananchi kuondoa dhana ya mila na desturi zinazoumiza wananchi .

jumla ya makosa 47 ya ukatili la kijinsia yameripotia katika dawati la jinsia mkoani singida katika kipindi ya Januari hadi Mei mwaka huu.