ZAO LA MTAMA LAPATIWA UFUMZUZI MKOANI SINGIDA

Na, Doris Meghji Jumanne Julai 23,2013

Singida

Serikali mkoani singida imeziagiza mamlaka za serikali za mitaa kuongeza juhudi katika kuwawasidia wananchi wake kwa  halmashauri hizo kununua mashine tano za kupura zao la mtama ikiwa ni moja ya jitihada za kutatua changamoto zinazolikabili  zao hilo kwa uzalishaji  kuleta tija likiwa ni zao la kipaumbele mkoani  Singida

Mkuu wa mkoa wa Singida Dr. Parseko Kone ametoa agizo hilo katika kikao cha wadau wa maendeleo kikao ambacho kililenga kuwawezesha wananchi kupunguza upotevu wa zao la mtama baada ya mavuno kutokana na teknolojia duni zinazotumika katika kupura na kuhifadhi zao hilo.

 “nimefuatilia wananchi wa singida wanapata shida sana wakati wa kuvuna mtama au uwele kwa kupiga ualika watu katika kupura mtama, watu ishirini (20) wanapura gunia mmoja kwa siku moja ili kuwasaidia wananchi kuachana na adha hiyo ya kupura mtama tutafute namna ya kupata hizo mashine ambayo mmoja inauzwa shilling milioni 2 kwa kila halmashauri kununua mashine tano(5) na kuziweka makao makuu ya kata iliyovuna vizuri mazao hayo ya mtama na uwele” alisisitiza Dr. Kone.

Aidha amesema kupatikana kwa mashine hizo zenye uwezo wa kupura mtama gunia 10 kumi kwa saa kutasaidiwa wananchi kutumia muda na kuhifadhi mazingira kwa kuwa upuraji wa mtama  kwa njia ya kawaida utumia matawi ya mti, hivyo matawi ishrini hutumika kupura gunia mmoja la mtama kwa siku.

Kwa upande wake katibu tawala msaidizi wa uchumi na uzalishaji Bi Aziza Mumba amezitaja changamoto mbali mbali zinazolikabili zao hilo kuwa ni upatikanaji mdogo wambegu bora,athari za magugu hatari yanayoitwa viduha, ndege waharibifu aina quelea quelea ikiwa ni pamoja na  teknologia duini zinazotumika katika kupura na kuhifadhi mtama inayosababisha upotevu mkubwa wa mtama kwa kupoteza asilimia 30 ya mazao baada ya mavuno.

Aidha kwa mujibu wa bi Mumba amesema katika kuogenzea thamani mazao hayo ya mtama na uwele juhudi mbali mbali zinaendelea,suala la uenezaji wa matumizi ya mashine za kupura mtama ili kumpuguzia mkulima uzito wa kazi za kilimo.

Mkoa wa singida katika kipindi cha msimu wa kilimo mwaka 2010/2011 hadi 2011/2012 zaidi ya tani 476090 zilivunwa za mazao ya mtama na uwele

MWISHO.