OMBI LA FIMBO NYEUPE KUWA MOJA YA ALAMA ZA BARABARANI

Katibu - TLB Mwl. Boniface Kitiku siku ya Fimbo nyeupe

Na, Doris Meghji Jumatano Oktoba 16,2013

Singida

Serikali  nchini  Tanzania imeombwa kuingiza fimbo nyeupe kuwa moja kati ya alama za barabarani, lengo likiwa ni kuwasaidia wasiona wanapotumia fimbo hizo kwenye  barabara hizo nchini. 

Akito maoni hayo katibu wa chama cha wasiona manispaa ya Singida (Tanzania Legue for Blind)(TLB) Mwalimu Boniface  Kitiku alipokuwa akifanya mahojiano na Karibu Singida Blog katika siku ya fimbo nyeupe ikiwa ni moja ya changamoto zinazowakabili walemavu hao katika manispaa ya Singida

Katibu - Tanzania League for Blind- Singida Municipal Council

“Madereva wengi na watembea kwa miguu bado hawazijua fimbo nyeupe hivyo kwa niaba ya chama cha wasiona tunaomba serikali iweke fimbo nyeupe iwe kati ya moja za alama za barabarani kwa kuwa madereva na watu wengine bado hawajazitambua fimbo njeupe, hii uwapa ugumu na kutojiamini kwa wasiona kutumia fimbo hizi bila kuwa mtu wa kumsaidia barabarani”alisisitiza Mwalimu huyo.

Aidha ameiomba serikali kufanya juu chini kutafuta wataalamu hapa nchini ili wavitumie vyuo vya ufundi stadi vya VETA vitengeneze fimbo hizo nyeupe lengo likiwa ni kuwafikia wasiona wengi kwa bei nafuu ukilinganisha na sasa fimbo hizo huagizwa toka nje ya nchi yetu na fimbo moja huuzwa shilingi 18000/=  hiyo ikiwa ni mipango ya muda mrefu na mipango ya muda mfupi ni kuiomba serikali kupitia wizara ya Afya na Ustawi wa jamii kuziagiza  fimbo hizo kwa wingi ili kuisadia jamii hiyo ya walemavu ya wasiona nchini.

Mmoja wa walimu wa chuo cha wasiona - Manispaa ya Singida

Hata hivyo ameongela pia suala la upatikanaji wa  vifaa vya kujifunzia na kufundishia vya walemavu hao huagizwa toka nje ya nchini hivyo kuwa gharama kubwa kwa mutu wenye ulemavu kuendelezwa kielimu hasa elimu ya sekondari nchini

katibu wa TLB mkoa wa Singida

Hii imejiidhirisha wazi toka kwa wanafunzi wanawake toka chuo cha wasiona manispaa ya Singida wakiongelea suala la wao kutengwa kwa kutoendelezwa kielimu mara baada ya kumaliza elimu yao ya msingi. 

Siku ya fimbo nyeupe uadhimishwa Oktoba 18 kila mwaka, kitaifa siku hii ya fimbo nyeupe inaadhimisha mkoani Kagera.