Na, Doris Meghji Jumatatu Oktoba 07,2013

Singida.

Maadhimisho ya wiki ya UWT  Wilaya ya Singida Mjini

Umoja wa wanawake Tanzania (UWT) wilaya ya singida mjini yaombwa kufanya makongano mbali mbali katika vyuo na taasisi za elimu zilizopo ndini ya manispaa ikiwa ni moja ya njia ya kuzungumza na vijana vyuoni katika suala zima la kuwafundisha maadili kwa wanafunzi hao.

Mwenyekiti wa UWT_wilaya ya Singida Mjini Bi Consolatha Mzilay akimkaribisha mgeni Rasmi kufungua kongamano

 

Katibu wa UWT_Singida Mjini Bi Margaret Malecela akisoma risala ya kongamano kwa mgeni rasmi Mwenyekiti wa Halmashauri ya Wilaya ya Ikungi Ndg.Selestin Yunde

Akitoa ombi hilo  katika kuchangia mada  rais wa chuo cha uhasibu tawi la Singida Bi  Marium Suleiman  mara baada ya mada ya “Kujitambua kama kijana wa kike kuwa ndio Taifa la kesho ”iliyotolewa na Bi Yagi Kiaratu Diwani viti maalum Manispaa ya Singida na katibu wa uwt wilaya ya Ikungi rais huyo ameiomba jumuhiya hiyo kutembelea taasisi ya uhasibu lengo likiwa ni kuwabadilisha vijana hasa wasichana katika suala zima la maadili ili waweze kubadilika kwa kutumia makongamano kama haya.

Wajumbe wakifuatilia mjadala

 

Katibu wa UWT_wilaya ya Ikungi  Bi Yagi Kiaratu akiwa na baadhi ya washiriki wa kongamano

“Jitihada mbali mbali tumefanya katika kukabiliana na tatizo la uvaaji usiokuwa wa maadili wa wanafunzi wetu, kwa kipindi hiki wanafunzi haruhusiwi kuvaa suruali au nguo zozote zenye kuonyesha mauongo ya mwanamke kwa wasichana  na wavulana pia katika ofisi za uongozi wa chuo na hawaruhusiwi kuingia darasani  wakiwa wamevaa nguo hizo.lakini bado tunahitaji nguvu kutoka kwenu mama zangu tungependa makongamano kama haya hasa ya maadili ili wanafunzi waweze kubadilika nakujitambua kwa kuwa chuo chetu kimekuwa na sifa mbaya katika manispaa hii na kwa watu wanaoishi maeneo karibu na taasisi hiyo alisisitiza rais wa chuo hicho cha uhasibu.

Hata hivyo katika kujadili mada hiyo wasichana toka katika chuo cha wasioona watoa kilio chao cha kuatili kwa watoto walemavu kwa kufanyiwa ubaguzi majumbani kwa kutothamini hasa pale wanapomaliza sekondari na kutakiwa kwenda kuolewa badala ya kendeleza kielimu hivyo wameomba wazazi na walezi kutowabagua watoto na wasichana wenye ulemavu.

Aidha kwa upande wake Katibu wa UWT wilaya Singida Mjini Bi Margaret Malecela alieleza lengo la kuandaa kongamano hilo la Vijana katika kuadhimisha wiki ya UWT mwaka huu ni kuwajenga na kuwaelimisha vijana wa kike kuijua na kuitambua jumuhiya hiyo ya wanawake ambapo jumla ya wasichana sitini toka katika vyuo vya uhasibu,VETA,Wasiona Maendeleo ya wananchi,na Sekondari ya Misuna walishriki katika kongamano hilo.

Wiki ya Umoja wa wanawake Tanzania huanza kuaadhimisha Septemba 28 hadi Oktoba 04 kila mwaka.

 

 

Walemavu pia walipata nafasi ya kuhuselebuka baada ya kongamano kufungwa