UCHAGUZI MKUU KUFANYIKA KAMA ULIVYOPANGWA - ASEMA JAJI LUBUVA

Na, Doris Meghji  Jumatatu Juni 10,2015

Singida

Tume ya Uchaguzi ya Taifa (NEC) imesema uchauguzi mkuu wa kuchagua rais, wabunge na madiwani utafanyika kama ulivyopangwa Oktoba 25 mwaka 2015.

Kauli hiyo imetolewa na Mwenyekiti wa tume  hiyo taifa (NEC) Jaji Damian Lubuva mkoani Singida katika ziara yake ya kutembelea na kuaona   jinsi zoezi la kuandikisha wananchi katika daftari la kudumu la kupiga kura jimbo la Singida mjini.

“uchaguzi utafanyika siki hiyo ya Jumapili Oktoba 25 mwaka huu kama ulivyopangwa hii ni kutokana na wenzetu wa Zanzibar walikwisha tangaza na kukamilisha maandalizi kwa wao kufanya uchaguzi siku hiyo ya Jumapili Oktoba 25 .Hatuwezi nchi moja kufanya uchaguzi siku mbili tofauti alisistiza Jaji Lubuva”

Hii ni katika kutolea maelezo kutoka kwa baadhi ya wabunge kuhoji juu ya uchaguzi kufanyika siku hiyo ya Jumapili na sio siku nyingine katika juma ispokuwa Jumapili

Hivyo amesema Tume ya uchaguzi imeliona hilo na kuahidi kulifanyia kazi katika chaguzi zingine zijazo kwa kupanga siku za uchauguzi kufanyika siku nyingine na sio siku za Ijumaa, Jumamosi na Jumapili kwa kuwa ni siku ambazo wananchi wa Tanzania  wanakwenda katika nyumba zao za ibada.

Hapo aliendelea kuwahakikishia watanzania kuwa uchaguzi wa mwaka huu utafanyika siku hiyo ya jumapili mwenyekiti huyo wa NEC.

Aidha kwa upande mwingine Mwenyekiti huyo wa NEC ameliomba jeshi la polisi nchini kuimarisha ulinzi na usalama kwa maafisa wa TUME katika vituo ikiwa ni baada ya tukio lililo wapata maafisa wa TUME hiyo wilayani Mumba mkoani Mbeya kwa kuvamiwa na watu wanaodhanini ni majabamzai na kwajeruhi maafisa hao.

Naye msimamizi wa uchaguzi jimbo la singida mjini mkurugenzi wa manispaa ya Singida Joesph Mchina  amesema zoezi la uandikishaji wa daftari la kudumu la wapiga kura linaendela vizuri kwa kuwa awamu ya kwanza wamefanikiwa kuandikisha wananchi kwa wastani wa asilimia 86 katika daftari hilo liliohusisha kata nne za Mtipa Uhamaka Mwankoko na Mtamaa 

hivyo anatoa wito kwa wananchi wa maeneo ya awamu ya pili ambazo ni kata ya Minga,Mungu Maji,Unyambwa  na … kujitokeza kwa wingi kwenda kujiandikisha ikiwa ni moja ya haki yao kidemokrasia kwa kuwapa tiketi ya kuchagua viongozi watakao waongoza katika uchaguzi mkuu ujao.

Mwisho.