MMOJA AFARIKI DUNIA NA WENGINE WANNE KUJERUHIWA KWENYE AJALI YA BASI NA NOAH MKOANI SINGIDA

Na, Doris Meghji Ijumaa Agosti 2015

Singida

Mtu mmoja afariki dunia na wengine wanne kujeruhiwa  baada ya kugongana basi kubwa la abiria  aina ya scania na Noah leo katika kijiji cha Utaho kata ya Puma wilaya Ikungi  mkoani SINGIDA   basi mali ya kampuni PRINCESS ANAAM linalofanya safari zake toka Dar –es salaam kwenda Bariadi mkoani Simiyu.

Kamanda ACP Sodeyeka akiongea siku ya ufunguzi wa wiki ya usalama barabarani kwenye viwanja vya standi basi ya kwenda mikoani manispaa ya Singida Picha na Doris Meghji)

Kamanda wa jeshi la polisi mkoa wa Singida ACP Thobias Sedoyeka  ametoa taarifa hiyo leo kwa vyombo vya habari kwa kuendelea kutoa wito kwa madereva wote na watumiaji wengine wa barabara kufuata kanuni ,taratibu na sheraia za usalama barabarani wanapotumia barabara hizo ili kuepusha ajali zinazoweza kuepukika

Kamanda ACP Sodeyeka akikata utepe kuashiria uzinduzi rasmi wa siku ya ufunguzi wa wiki ya usalama barabarani kwenye viwanja vya standi basi ya kwenda mikoani manispaa ya Singida Picha na Doris Meghji)

Kamanda Sodoyeka amesema ajali hiyo imetokea leo majira ya saa 12: 45 jioni  ambapo abiria Mwanahamisi Omary mwenye umri wa miaka 48 mkazi wa Singida mjini  amefariki dunia katika ajali hiyo na wengine wanne kujeruhiwa mkoani hapa

Akielezea kutokea kwa ajali hiyo Kamanda Sodeyeka amesema ajali imetoke kijiji cha Utaho kata ya Puma tarafa ya Ihanga wilayani Ikungi  barabra kuu ya Singida Dodoma ambapo gari lenye namba za usajiri T.700 DCN scania basi mali ya kampuni ya PRINCESS ANAAM ikifanya safari zake toka Dar- es salaam kwenda Bariadi ikiendeshwa na dereva Omary Nassoro (38) iligonga gari yenye namba za usajili T.703 BJQ Toyota Noah ikitokea Puma kwenda singida mjini ikiendeshwa na Ismail  sima ( 28) mkazi wa Ikungi na kusababisha kifo cha abiria mmoja  na majeruhi wanne

 PC Phaston afisa wa polisi kitengo cha usalama barabarani akitolea maeelezo kifaa cha upimaji mwendo kasi wa magari barabarani kwenye ufunguzi rasmi wa wili a usalama bara barani (Picha na Doris Meghji)

 ambao ni Jane Mushi mwenye umri wa miaka 45 Mchaga mkazi wa Singida mjini ameumia mguu wa kushoto,Hawa Juma  nyaturu mwenye umri wa miaka 30 mkazi wa Msisi mkulima aliyepata mauamivu kufuani na michubuko mwilini,huku Tatu Yusuph Mnyaturi mwenye umri wa mika 40 mkulima na mkazi wa Ughandi amepata maumivu mwili mzima akiwa pamoja na Juma Said Mwenye umri wa mika 21 mkulima na mkazi wa Matongo kwenye ajili hiyo

Hii ni picha ya alama za barabarani zinazotumika kuelekeza mambo mbali mbali barabarani zinazotolewa na jeshi lapolisi kwenye mafunzo za utoji leseni z uendeshaji wa vyombo vya usafiri nchini ikiwa ni pamoja VETA na wadau wa mafuzo hayo kwa madereva nchini (Picha na Doris Meghji)

Majeruhi hao wamelezwa katika hospitali ya Mission Puma na hali zao zianndelea vizuri huku mwili wa marehemu umefanyiwa uchunguzi na  daktari katika hospitali ya mkoa wa Singida na kukabidhiwa ndugu zake  tayari kwa mazishi

Wananchi waliojitokeza kwenye uzinduzi rasmi wa wiki ya usalama barabarani mkoani Singida iliyofanika kwenye viwanja vya standi basi ya kwenda mikoani manispaa ya Singida Picha na Doris Meghji)

Kwa mujibu wa kamanda huyo wa jeshi la polisi mkoa wa Singida amesema chanzo cha ajali hiyo ni mwendo kasi wa dereva la basi ambapo alishindwa kumudu basi na kusababisha ajali hiyo. 

Picha ya  pamoja na kamanda wa jeshi la polisi,mkuu wa kitengo cha usalama barabarani na wadau wa siku ya usalama barabarani siku ya ufunguzi wa wiki ya usalama barabarani kwenye viwanja vya standi basi ya kwenda mikoani manispaa ya Singida Picha na Doris Meghji)

Jeshi la polisi limekamata dereva huyo na kumshkiilia kwa uchuguzi baada ya hapo atafikishwa mahakamani ili sheria ichukue mkondo wake.
MWISHO