Karibu Singida: NEC KUSHUGHULIKIA MAPEMA MAJINA YA WAPIGA KURA KWENYE DAFTRI LA KUDUMU - WADAU TOKA VYAMA VYA SIASA WAIOMBA TUME HIYO JIMBO LA SINGIDA MJINI.

Na, Doris Meghji Ijumaa Agosti 14, 2015

Singida

Mgombea wa nafasi ya udiwani aliyekuwa wa CCM sasa kuhamia CHADEMA kata ya Mandewa akiongea na wanachama na viongozi wa chama hicho wilaya ya Singida mjini kwenye ukumbi wa mikutano wa Samaki singida mjini.( Picha na Doris Meghji)

Baadhi ya Viongozi wa vyama vya Siasa ndani ya manispaa ya Singida wameiomba tume ya uchaguzi wa taifa (NEC) kuhakikisha wanalishughulikia mapema suala la majina ya wapiga kura kutokuwepo kwenye daftari hiyo kabla ya uchaguzi mkuu huo kufanyika nchini.

Hao ni baadhi ya wanachama wa CCM waliohamia CHADEMA baada ya mgombea wao wa CCM kutochaguliwa kuwa mgombea wa chama hicho kwenye ukumbi wa Samaki wakiowa na viongozi wa CHADEMA mkoa wa wilaya ya Singida mjini.( Picha na Doris Meghji)

Kwa mujibu wa katibu mwenezi wa Siasa wa chama cha Demokrasia na Maendeleo ( CHADEMA) wilaya ya Singida mjini Bwana Samwel Malow ameiomba na tume hiyo kuhakikisha inashughulikia tatizo hilo jimbo la singida mjini kwa kuwa idadi kubwa ya wapiga kura waliojiandikisha haipo kwenye daftari hizo.

Huyo ni Shaban Omary Kiranga mgombea wa nafasi ya udiwani kwa tiketi ya CHADEMA akipokea kadi ya uanachama wa chama hicho baada ya kurudisha kadi ya CCM mapema wiki huu.( Picha na Doris Meghji)

Kauli hiyo ameitoa mapema wiki hii katika mkutano wa chama hicho kilipokuwa kikiwapokea baadhi ya wanachama wa chama cha Mapinduzi waliohamia chama cha Demokraisa na Maendeleo wakiwa ni pamoja na aliyekuwa mgombea wa nafasi ya udiwani kata ya Mandewa Shaban Omary Kiranga wa toka CCM kushindwa kwenye uchaguzi wa kura za maoni uliofanyika Agosti Mosi mwaka huu na kuhamia CHADEMA.

Moja wa wanachama waliohama CCM na kuwa wanachama wa CHADEMA mara baada ya mgombea wao kutoteuliwa kuwa mgombea wa nafasi ya udiwani kata ya Mandewa kwenye ukumbi wa Samaki ( Picha na Doris Meghji)

Kwa mujibu wa katibu Mwenezi huyo amesema katika zoezi la uandikishaji wananchi kwenye daftari la kudumu la wapiga kura kata ya Madewa ilifanikiwa kuandika wapiga kura 10566 huku idadi ya majina yalioko kwenye daftari hilo baada ya kuandikishwa ni 2034 tu ndio iliyoko kwenye daftari hizo katani hapo.hivyo ameiomba tume hiyo kulishugulikia mapema tatizo hilo

Shabani Kiranga akipeana mikono na baadhi ya viongozi wa CHADEMA mara baaada ya kurudisha kadi ya CCM nakuchukua ya CHADEMA na kupea redhaa ya kugombea nafasi hio ua udiwani kwa tiketi ya CHADEMA ( Picha na Doris Meghji)

"mandewa ni waliojiandikia 10566 idadi a majina yaliopo 2034 zaidi ya 8000 hawapo kwenye daftari hii inatisha tunaiomba tume ilishughulikia suala hili"alisistiza Malow katibu mwenezi CHADEMA Singida mjini.

Hata hivyo kwa upande wa kata ya Utemini ilifanikiwa kuandikisha kwenye zoezi hilo la daftari la kudumu la wapiga kura ni 5267 na idadi ya walioko kwenye daftari hilo ni 2460 huku idadi ya wapiga kura 2807 haipo kwenye daftari hilo

Moja ya daftari la kudumu la wapiga kura kwenye uchaguzi mkuu wa Rais mbunge na diwani utakao fanyika Oktoba 25 mwaka huu( Picha na Doris Meghji)

Kutokana na tatizo hilo nilifanikiwa kuongea na Mkurugenzi wa manispaa ya Singida Joseph Mchina juu ya suala hilo akasema ofisi yake kwa kwa kushrikiana na NEC wanalisghulikia suala hilo hivyo amewaomba wananchi wajitokeze kwenda kuhakiki majina yao kwenye mbao za matangazo kwenye ofisi za kata za manispaa hiyo jimbo la Singida mjini.

Hizo ni baadhi ya kadi za wanachama wa CCM zilizorudishwa na wanachama wa CCM na kuchukua kadi za CHADEMA kata ya Mandewa kwenye mkutano huo wa kuwapokea wanacha wapya toka CCM kwenye ukumbi wa Samaki Kata ya Mandewa manispaa ya Singida (picha na Doris Meghji)

Katika mkutano huo zaidi ya wanachama 13 wamehamia chama cha Demokrasia na Maendeleo ( CHADEMA) kata ya mandewa wilaya ya Singida mjini