UCHAGUZI WABUNGE NA MADIWANI KURA ZA MAONI NDANI YA CCM MKOA WA SINGIDA

Na, Doris Meghji Jumapili Agosti 02,2015

Singida - UCHAGUZI 

Maboksi ya kupigia kura za wabunge na madiwani kwenye uchaguzi wa kura za maoni jimbo la Singida mjini ( Picha na Doris Meghji)

 Uchaguzi wa wabunge wa jimbo na madiwani wa kata  nchini umefanyika jana kwa kupiga kura za maoni za kuwachagua wagombea wa nafasi  kwa tiketi ya chama cha mapinduzi.

Mwanachama  akipiga kura ya mbunge na Diwani katika kituo cha utemeni  ( Picha na Doris Meghji)

Kwa mkoa wa Singida jumla wagombea  68 wamejikotekeza kugombea nafasi ya ubunge kati ya hao ni wagombea wanne tu wanawake waliojitokeza kugombea nafasi hiyo mkoani Singida huku Waziri wa Maliasili na utalii Lazaro Nyalandu na Mwigulu Nchemba Naibu waziri wa fedha  wakiwa miongoni wa wagombea wanao tetea nafasi zao kwenye uchaguzi huo mkoani hapa.

wanachama wa CCM tawi la saba saba kata ya utemini wakikagua majina yao katika kituo hicho kwa lengo la kuwachagua viongozi wao wa ubunge na udiwani jimbo la Singida ( Picha na Doris Meghji)

Mgombea Lazaro Nyalandu anayetetea nafasi yake ya ubunge wa Singida Kaskazini na naibu waziri wa fedha Mwigulu Nchemba kwa jimbo la Iramba.

Katika Kinyang’anyiro hicho.

Kushoto ni Hassan Philipo Mazala mgombea ubunge jimbo la Singida mjini akiwa na mgombea Kilimba  jimbo la Iramba siku mgombea wa nafasi ya urais kwa tiketi ya CCM alipopita kuelekea mkoani Dodoma toka Kanda ya ziwa ( Picha na Doris Meghji)

Kwa upande wa jimbo la Singida mjini ni Mgombea Hassan Philipo Mazala ameshinda kwa kupata kura 6777 na Mussa Radhamani Sima akimfuatia kwa kura 6357  wakiwa wagombea wa jimbo wawili wanochuana kwa wingi wa kura kwa jimbo hilo la singda mjini

wasimamizi wa uchaguzi na mawakala wa uchaguzi tawi la uwanja wa ndege wakiwa katika zoezi la uchaguzi wa kura za maoni jimbo la singida mjini (Picha na Doris Meghji)

Huku wagombea wengine ambao ni Philemon Kiemi akiwa amepeta kura 2192, Mhandisi Amani Rai kapata kura 1352,Juma Ahmed Kiduba kura 884 na mgombea pekee wa kike na Mwandishi wa habari aliyebobea katika upigaji picha za kihabari akiwa Bi Leah Samike amepata kura 636 kwa jimbo hilo la singida mjini

Hadi majira ya Saa mbili za usiku ndipo matokeo hayo yalipobandikwa na kuzua taaruki miongoni mwa wanachama na baadhi ya wagombea akiweemo mgombea Mussa Ramadhan Sima ambaye hakutarajia kumatokeo hao kwa kuwa yeye aliamini ndiye ameshinda kwenye uchaguzi huo. 

 

Jimbo la Ikungi Mashariki ni Jonathan Njau  akongoza katika uchaguzi huo akifuatiwa na Martini Lissu.  

Ni wapiga kura kwenye uchaguzi wa kura za maoni kwa wabunge na madiwani jimbo la Singida mjini kituo cha Stesheni kata ya Utemini ( Picha na Doris MeghjI)

Kwa upande wa jimbo Ikungi Magharibi ni kada Elibariki Kingu ameongoza kwenye kinyang’anyiro hicho akifuatiwa na  Nkambaku DC wa Kishapu 
 jimbo la Ikungi kusini

Ni baadhi ya viongozi wa chama cha Mapinduzi kata ya Utemini kituo cha uchaguzi cha tawi la utemini wakipitia orodha ya majina ya wanachama wa tawi hilo kabla ya uppigaji kura kuanza (Picha na Doris Meghji)

Singida Kaskazini ni Lazaro Nyalandu ndiye aanayeogoza kwenye uchaguzi huo alifuatiwa na Justine Monko  licha ya malalamiko wagombea wenzake  saba kulalamikia ukiuwakwaji wa kanuni za uchaguzi uliofanywa na mgombea huyo kwenye kura hizo za maoni ya ccm jimbo la Singida humo.

 

Mgombea Lazaro Nyalandu wa jimbo la Singida Kaskazzini akiongea na waandishi wa habari nje a ofisi ya chama (Picha na Doris Meghji)

Aidha jimbo la Iramba mgombea Mwigulu Nchemba ameogoza  kwenye uchaguzi huo akifuatiwa na kada David Jairo kwenye kinyang'anyiro hicho.

Katika ni Mwigulu Nchemba mgombea ubunge jimbo la Iramba ( Picha na Doris Meghji)

Jimbo la Mkalama  kura za maoni zinaongozwa na kada toka makao makuu ya mamlaka ya mapato Tanzania  Allen Kiula akifuatiwa na Izumbe Mgana Msindai ambaye ni mwenyekiti wa CCM mkoa wa Singida na Mwenyekiti wa wenyeviti wote mikoa wa CCM nchini  kwenye uchaguzi huo. 

Mgana Izumbe Msindai akiongea mbele ya wanaccm siku mtia nia wa kugombea nafasi ya urais kwa chama cha mapinduzi  Edward  Lowassa alipofika mkoani Singida akitafuta wadhamini wa kumdhamini kuwania nafasi hiyo ya urais ( Picha na Doris Meghji)

Mary Maziku  Katibu wa  CCM mkoa wa Singida akiongea na waandishi wa habarai jana ofisi ya katibu mkuu msadizi wa chama hicho mkoani Singida ( Picha na Doris Meghji)

Wilaya ya Manyoni ikiwa na jimbo la Manyoni mashariki na magharibu taarifa rasmi zitatolewa kesho na katibu wa mkoa Mary Maziku juu ya matokeo yote ya uchaguzi huo mkoani hapa.

MWISHO.