WIKI YA USALAMA BARABARANI NA DRAGON EYE ( SPEED RADER) MWIBA KWA MADEREVA WA MAGARI

Na, Doris Meghji Jumatano Agosti 12, 2015

Singida

RPC  mkoa wa Singida  SACP Thobias Sodeyeka na RTO mkoa wa Singida wakiwa tayari kwa ajili ya kuzindua  maadhinisho ya wiki ya usalama barabarani  eneo la standi ya  basi ya kenda mikoani ( Picha na Doris Meghji) 

Wiki ya nenda kwa usalama bara barani yazinduliwa rasmi jana mkoani singida ikiwa na kauli mbiu ya Endesha salama okoa maisha kwa  kuwasii  wananchi  na watumiaji wa barabara  mkoa wa Singida kujitokeza kwa wingi kutembela maonyesho mbali mbali yatakayoendeshwa katika wiki hilo lengo ni kuwapatia elimu ya sheria za barabarani  kwa wananchi wa mkoa wa Singida

 

SACP Thobias Sodeyeka Kamanda wa Jeshi la polisi Mkoa wa Singida kiongea kweye uzinduzi wa wiki ya usalama barabarani pembeni ni Mkuu wa jeshi la polisi kitengo cha usalama barabarani mkoa wa Singida (RTO) eneo la standi ya mabasi ya mikoa (Picha na Doris Meghji)

Kamanda wa jeshi la polisi  mkoani hapa SACP Tobias Sodeyeka amewataka wanachi hao kufika na kutembelea maonyesho hayo ya wiki ya nenda kwa usalama barabarani ili waweze kupata elimu itakayoweza kuwasaidia kujua sheria za barabarani kwa wananchi wa mkoa wa Singida na wajibu wa kila mtumia barabara hizo.

Ni  baadhi ya vijana waliojitokeza kwenye uzinduzi wa maadhimisho ya wiki ya nenda kwa usalama barabarani standi ya mabaisi ya mikoa wakifuatilia maelezo juu sheria za usalama barabarani ( Picha na Doris Meghji)

Kamanda huyo ametolea maelezo juu ya ajali za pikipiki zilizoweza kutokea na kupoteza maisha ya wananchi wa mkoa huo, katika kipindi cha Januari hadi Juni mwaka huu ni vifo 18 na majeruhi 8 vimetokea kwa kuwataka wananchi hao kufika katika maonyesho hayo ili kupata elimu ya sheria za usalama barabarani kwa kuwa waendesha piki piki ndio wanaongoza kwa ajali na kusababisha vifo mkoani hapo.

  Wananchi wa manispaa ya Singida wakifuatilia na kusikiliza maelezo toka kwa afisa wa polis kwenye uzinduzi wa maadhimisho ya waiki ya usalama barabarani jana standi ya mabasi ya mikioni ( Picha na Doris Meghji)

 Kwa hiyo amewashauri  waendesha pikipiki ni vema wafike hapo na kupata elimu 

“We mwendesha piki piki  usalama wako kwanza ,ni mambo gani yanasababisha  kutokea kwa ajali hasa piki piki? kwanza hatuvai helmet,upakiaji kwa njia ya hatari, unapakia watu wanne na kile kiti cha pikipiki ni kidogo na ninafahamu  matatizo Sunlag huwezi kukata kona kwa haraka na kitu kingine ni kupatikia mizigo, unapakia watu huku umebeba mizigo na wakati mwingine ni huwa umelewa asubuhi tu umekwisha kunywa viroba hii ina hatarisha maisha yetu pindi ajali ikitokea ni vyema mje hapa mkapata elimu.” amewashauri wananchi hao kufika katika maonyesha hayo kamanda Sodeyeka.

Ni baadhi  ya maafisa wa jeshi la polisi kitendo cha usalama barabarani wakiwa katika eneo la uzinduzi wa wiki ya usalama barabarani  standi ya mabasi ya mkoa wa Singida maadhimisho hayo ( Picha na Doris Meghji)

Hata hivyo katika maonyesho hayo kupitia kitendo cha usalama barabarani  wa jeshi hilo la polisi  afisa G233 PC Phaston alitolea maelezo juu ya kifaa cha  kisasa cha upimaji wa mwendo kasi  ulevi wa madereva wa magari yakiwa barabarani chenye uwezo wa kupiga picha ya dereva,gari kwa ujumla na namba ya gari na mwendo kasi kwenye uzinduzi huo

Ni  G233 PC Phaston afisa wa usalama barabarani akionyesha na kutolea maelezo juu ya kifaa cha kisasa cha jeshi hilo cha kupima mwendo kasi wa gari na dereva akiwa barabarani   jana standi ya mabasi ya mkoa wa Singida kwenye uzinduzi wa wili ya usalama barabarani ( Picha na Doris Meghji)

Aidha katika kulezea kifaa hicho kwa jina la Dragon EYE amesema jeshi la polisi lina jumla ya vifaa hivyo vya kisasa 18 kwa mkoa huo lengo likiwa ni kuondoa utata uliokuwepo wa madereva kukataa mwendo wa gari lake na kudai kuwa amesingiziwa kwa kuwa kifaa hicho kinauwezo wa kupima gari liliko umbali wa kilomita moja na mita mia nane.  Ameeleza PC Phaston.

 

Ni standi ya mabasi ya mkoa wa Singida mabasi yakiingia jana  na kutoka wakzati wa uzinduzi wa wiki ya nenda kwa usalama mkoani Singida  na kueleea mikoa ya kaskazini na Magharibi ya Tanzania ( Picha na Doris Meghji)

Maashimisho hayo ya wiki ya nenda kwa usalama barabarani yamezinduliwa rasmi na rais wa Jamuhuri ya Muungano wa Tanzania mkoani Tanga na  ufungaji wa maadhimisho hayo ni Agosti 18 mwaka huu

 

Ni S/SGJ Paul David Afisa wa jeshi la polisi kitengo cha usalama barabarani akitolea maelezo alama za barabarani ikiwa ni moja ya uelimishaji wananchi juu ya alama hizo wakiziona barabarani kwa watumiaji wote wa barabara mkoani Singida katika maadhimisho ya uzinduzi rasmi wa wili hiyo mkoani Singida ( Picha na Doris Meghji)