AISHAROSE MATEMBE NA MARTHA MLATA WAIBUKA WAIBUKA WASHINDI KATI YA WAGOMBEA 13 KATIKA UCHUGUZI WA WABUNGE VITI MAALUM KWA TIKETI YA CCM MKOANI SINGIDA

Na, Doris Meghji Jumamosi Julai 26,015

Singida

Ni Aisharose Matembe na Martha Mlata washindi katika uchaguzi huo wa wabunge wa viti Maalum kwa tiketi ya CCM mkoa wa Singida ( Picha na Doris Meghji)

Zoezi la kuwatafuta wabunge wa viti maalum  kwa tiketi ya Chama cha Mapinduzi limekamilika leo mkoani singida huku  Bi AISHAROSE MATEMBE na MARTHA MLATA kuibuka washindi katika uchaguzi huo uliofanyika leo katika ukumbi wa RC Mission manispaa ya Singida

Ni Aisharose Matembe na Martha Mlata washindi katika uchaguzi huo wa wabunge wa viti Maalum kwa tiketi ya CCM mkoa wa Singida ( Picha na Doris Meghji)

Akitangaza matokeo hayo Msimamizi mkuu wa uchaguzi huo Mkuu wa mkoa wa singida DR. Parseko Kone mara baada ya upigaji kura  wa kuwachagua wagombea hao katika ukumbi huo wa RC Mission kwa kumtangaza Bi Aisharose Matembe mshindi kwa kupata kura 361 akifuatiwa na Bi Martha Mlata ambaye amepata kura 235 wakati mgombea Diana Chilolo amepata kura 186

Dkt. Parseko Kone  mkuu wa mkoa wa Singida na msimamizi mkuu wa wachaguzi wa wabunge viti maalum kwa tiketi ya CCM mkoa wa Singida akisoma matokeo ya uchaguzi katika ukumbi wa RC Mission manispaa ya Singida ( Picha na Doris Meghji)

Aidha katika uchaguzi huo ni wagombea wawili tu ndio wanaohitajika kuwakilisha wanawake wa mkoa wa Singida katika Bunge la Jamuhuri ya Muungano wa Tanzania pindi chama cha mapinduzi kitashinda kwenye uchaguzi mkuu wa wabunge wa majimbo na urais Oktoba 25 mwaka huu.

Baadhi ya wagombea wa uchaguzi huo wa wabunge wa viti maalum kwa tiketi ya CCM mkoa wa Singida mara baada ya kupiga kura tayari kwa kusomewa matokeo katika ukumbi wa RC Mission ( Picha na Doris Meghji)

Msimamizi mkuu huyo ametaja majina mingine ya wagombea waliogombea katika kinyang’anyiro hicho kuwa ni Wema Sepetu kwa kupata kura 90,Sarah Mwambu kura 74, Martha Gwau kura 44, Rehema Madusa kura 24,  Aziza Ntantu kura 5, Mary Kidundile kura 3, ikiwa ni pamoja na Leah Samike ambaye amepata kura 1 na Elizabeth Lucas amepata kura 0 katika kinyanganyiri hicho.

Diana Chilolo mgombea na aliyekuwa akitetea nafasi yake akiwashukuru wajumbe mara baada ya kusomewa matokeo ya uchaguzi huo mkoani Singida ( Picha na Doris Meghji)

Katika uchaguzi huo Diana Chilolo ambaye ni Mwenyikiti wa UWT mkoa wa Singida na Mbunge wa viti maalum kwa vipindi vitatu amewashukuru wajumbe hao na kuwapongeza washindi katika kinyang’aniro hicho huku akiwataka wajumbe na wanccm kujiandaa vema na kuhaikisha Chama Cha Mapinduzi kinashinda katika uchaguzi mkuu wa Oktoba 25 ili wachaguliwa hao waweze kuwakilisha vyema katika bunge la Jamuhuri ya Muungano wa Tanzania.

Mrimbwende Wema Sepetu akiwashuuru wajumbe kwa kumchagua kwa kura hizo 90 na kuwaaambia kwamba safari yake ya siasa ndio inaanza mara baada ya kusomewa matokeo ya uchaguzi huo ( Picha na Doris Meghji)

kwa upande wa nafasi za wabunge wa viti maalum kupitia walemavu ni mgombea mmoja Bi Sarah Nalingigwa ndiye aliyegombea nafasi hiyo na kupata kura 489 ikiwa kura moja tu iliyoharibika katika uchaguzi huo.

 Kushoto ni Bi Sarah Nalingigwa mgombea pekee wa ubunge viti maalum kupitia walemavu ambaye amepata kura 489  kati ya kura 490 katika uchaguzi huo akiwa na Mdogo wale Karen Misinzo  ( Picha na Doris Meghji)

Wajumbe wa mkutano mkuu wa uchaguzi wa wabunge wa viti maalum wa mkoa wa Singida wakiwa tayari kwa kusikiliza matoke ya uchaguzi huo katika ukumbi wa RC Mission ndani ya manispaa ya Singida( Picha na Doris Meghji)

Hata hivyo katika kuonyesha demokrasia jumla ya wagombea 13 wamejitokeza kugombea nafasi hiyo ya ubunge wa viti maalum  ambapo mmoja wa wasanii maarufu nchini Wema Sepetu amejitokeza kugombea nafasi hiyo kwa mwaka huu wa uchaguzi ndani ya chama hicho mkoani Singida.

MWISHO

 

Wajumbe wa mkutano mkuu wa uchaguzi wa wabunge wa viti maalum wa mkoa wa Singida wakiwa tayari kwa kusikiliza matoke ya uchaguzi huo katika ukumbi wa RC Mission ndani ya manispaa ya Singida( Picha na Doris Meghji)

Ni wasimamizi wa uchaguzi toka baraza  la UWT mkoa wa Singida katika uchaguzi wa wabunge viti Maalum mkoa wa Singida ( Picha na Doris Meghji

Wagombea wa uchaguzi huo wa wabunge wa viti maalum kwa tiketi ya CCM mkoa wa Singida mara baada ya kupiga kura tayari kwa kusomewa matokeo katika ukumbi wa RC Mission ( Picha na Doris Meghji)

 

 Wema Sepetu wa pili kushoto  na wagombea  wenzake wa uchaguzi huo wa wabunge wa viti maalum kwa tiketi ya CCM mkoa wa Singida mara baada ya kupiga kura tayari kwa kusomewa matokeo katika ukumbi wa RC Mission ( Picha na Doris Meghji)