Karibu Singida: UCHUKUAJI WA FOMU ZA KUGOMBEA UBUNGENA UDIWANI MIKOANI SINGIDA

Na, Doris Meghji Ijumaa 1jumaa Julai 17, 2015

Singida - Ugombeaji Ubunge na udiwani

Bi Leah Solomon mgombea wa udiwani wa viti maalum akikabidhiwa fomu na kaimu katibu wa UWT wilaya ya Singida mjini Zaituni Mlau ofisi za jumuhiya hiyo ( Picha na Doris Meghji)

Wanachama na makada wa chama cha Mapinduzi wamejitokeza kwa wingi kuchukua fomu za kugombea nafasi za ubunge na udiwani mkoani Singida

Hii imejidhiirisha wazi leo siku ya pili tangu chama hicho kianze kugawa fomu kwa watia nia ngazi ya ubunge na udiwani ambapo jimbo la singida mjini hadi muda majira ya saa tano asubuhi huu ni watia nia watatu ngazi ya ubunge wa jimbo la Singida mjini ambao ni Hassan Philipo Mazara, Aman AP Rai na Mussa Ramadhan Sima hilo ni jimbo la Singida mjini

Bi Magdalena Ndwete katibu wa CCM wilaya ya Singida mjini akiwa ofisini kwa ajili ya utoaji wa fomu za kugombea nafasi ya ubunge jimbo la Singida mjini.( picha na Doris Meghji)

Aidha kwa upande wabunge viti maalum kwa jimbo la Singida kaskazini waliojitokeza kuchukua fomu ni Elizabeth Lucas Kitiku,Martha Nehemia Gwau na Aysharose Ndogholi Mattembe huku watia nia kwa nafasi ya udiwani viti maalum ni wanachama 17 wamejitoeza kuchukua fomu za kugombea nafasi hizo kwa chama cha mapinduzi jimbo la Singida kaskazi.

Bi Magdalena Ndwete katibu wa CCM wilaya ya Singida mjini akiwa ofisini kwa ajili ya utoaji wa fomu za kugombea nafasi ya ubunge jimbo la Singida mjini.( picha na Doris Meghji)

Kwa mujibu wa katibu wa chama cha Mapinduzi wilaya ya Singida mjini Bi Magdalena Ndwete ametaja idadi hiyo ya watia nia waliojitokeza kuchukua fomu ya nafasi ya ubunge jimbo la Singida mjini huku akiwawataka wanachama na makada wajitokeze kwa wingi kugombea nafasi hizo za uongozi kwa kuwa ni haki ya kila mwanachama kuchagua au kuchaguliwa katika kuwawakilisha wanachama wenzao na wananchi katika ngazi za maamuzi.

Wagombea mbali mbali walofika kuchukua fomu za kugombea udiwani wa viti maalum wilaya ya Singida mjini katika ofisi ya UWT Singida mjini (Picha na Doris Meghji)

Zoezi hilo la uchukuaji wa fomu za kugombea nafasi ya ubunge kwa upande wa jimbo Singida mjini ni shilingi 100,000/= kwa wa ajili ya kulipia fomu huku hela ya mchango wa gharama za uchaguzi kuwa shilingi milioni tano (5,000,000/=) ambazo licha ya kamati ya siasa ya wilaya kupitisha kiasi hicho cha fedha kimeonekana kuwa kikwazo na tatizo kwa baadhi ya watia nia wasio kuwa na uwezo mkubwa kifedha kugombea nafasi hiyo.

Zaituni Mlau kaimu Katibu UWT wilaya ya Singida mjini akimpatia fomu Janeth Nyakonji mmoja wa watia nia wa kugombea nafasi ya udiwani wa viti maalum Singida mjini ofisi za UWT wilaya ya Singida Mjini(Picha na Doris Meghji)

Katika kupata ufafanuzi juu ya mchango huo wa uchaguzi kutoka kwa katibu wa CCM wilaya ya Singida mjini amesema tuliache suala hilo la kuchangia gharama za uchaguzi wa kuwa hadi sasa suala hilo ameiachia kamati ya siasa wilaya.

Zaituni Mlau kaimu Katibu UWT wilaya ya Singida mjini akikagua kadi ya mmoja wa wagombea wa udiwani Viti maalum jimbo la Singida mjini.(Picha na Doris Meghji)

Nao madiwani viti maalum wilaya ya Singida mjini zaidi ya watia nia kumi (10) wamejitokeza kuchukua fomu za kugombea nafasi hizo udiwani jimbo la singida mjini ambapo Hadija Hassan Simba,Joyce John Sisha ,Mwandami Rajab Kunde, Hamida Amri Said, Anisa Awadhi Mbaraka, Mwanaidi Ally Njira,Mwahija Swalehe Abdalla, Mwajuma Husein Shaa,Leah Solomon Lisu na Margareth Malecela wamejitokeza kuchukua fomu hizo za udwani viti maalum.

Kaimu katibu wa UWT wilaya yya Singida vijijini Amina Omary akigawa fomu za kugombea ubunge na udiwani viti maalum jimbo la Singida kaskazini (Picha na Doris Meghji)

kwa upande wa wilaya ya singida mjini ambapo uchangiji wake ni shilingi elfu kumi ya fomu (10,000/-) na uchangiaji wa gharama za uchaguzi kuwa shilingi laki mbili (200,000/-) kwa kila mtia nia wa kugombea nafasi hizo ya udiwani wa viti maalum.

Mmoja wa watia nia wa kugombea udiwani viti maalum jimbo la Singida kaskazi akijaza fomu ya kugombea nafasi hio katika ofisi ya UWT wilaya ya Singida vijijini (Picha na Doris Meghji)

Aidha kwa mujibu wa kaimu katibu wa UWT wilaya ya Singida mjini Bi Zaituni Hamis Mlau amesema katika zoezi amewaomba wanachama wa UWT kujitokeza kwa wingi kugombea nafasi hizo za maamuzi jimboni humo.

Kaimu katibu wa UWT wilaya yya Singida vijijini Amina Omary akimwelekeza mmoja wa watia nia ya udiwani viti maalum jimbo la Singida kaskazini (Picha na Doris Meghji)

Bi Amina Omary Adam ni kaimu katibu wa UWT wilaya ya Singida vijijini ambapo jimbo la Singida Kaskazini linapatika ametaja gharama za watia nia ngazi ya udiwani viti maalum wilayani humo uwa ni shilingi 10,000/- kwa ajili ya fomu a kugombea nafasi na 200,000/- ni kwajili ya gharama za uchaguzu kwa wagombea wapya kwa nafasi hiyo huku wagombea wa udiwani wanaotetea nafasi zao kutakiwa kutoa elfu kumi ya fomu na kiasi cha shilingi 250,000/= kwa upande wa gharama za uchaguzi

Fomu ya kugombea nafasi ya ubunge na udiwani za CCM (Picha na Doris Meghji)

Hata hivyo katibu huyo Amina Omary Adamu amewaasa wanawake wajitokeze kwa wingi kuwania nafasi hizo za waamuzi kwa kuwa ni zama za kidemokrasia kuchagua na kuchaguliwa ikiwa ni haki ya kikatiba kwa chama hicho kuchagua na kuchaguliwa.