KURA 90 KATI YA 490 ZAMPA NAFASI YA NNE WEMA SEPETU KATIKA UCHAGUZI WA WABUNGE VITI MAALUM KWA TIKETI YA CCM MKOA WA SINGIDA

Na, Doris Meghji  Jumamosi Julai 25,2015

Singida

Wema Sepetu akiwashukuru wajumbe kwa kupigia kura na kupata idadi hiyo ya kura katika uchaguzi huo wa wabunge wa viti maalum kupitia CCM mkoa wa Singida kwene ukumbi wa mikutano wa RC Mission ( Picha na Doris Meghji)

Wema Isaac Sepetu  amepata kura 90 kati ya kura 490 ya kura zilizopigwa na kushika nafasi ya nne jana  akiwa  mmoja kati ya wagombea  13  wa ubunge wa viti maalum kwa tiketi ya Chama cha Mapinduzi mkoani Singida

Wema Sepetu akiwashukuru wajumbe kwa kupigia kura na kupata idadi hiyo ya kura katika uchaguzi huo wa wabunge wa viti maalum kupitia CCM mkoa wa Singida kwene ukumbi wa mikutano wa RC Mission ( Picha na Doris Meghji)

Mrembo huyo ambeya mwaka 2006 alikuwa Miss Tanzania  ameibuka na idadi  kura  90   huku akimuacha mgombea anayemfuata kwa tofauti ya kura 16 na kuwa wane kwenye kinyang’anyiro hicho  kilichofanyika jana mkoani hapa.Katika uchaguzi huo kwa mujibu wa kipeperushi cha Mgombea huyo kimeeleza lengo la kuingia kwenye kinyang’anyiro hicho ni kuleta maendeleo kwa wanawake wa mkoa wa Singida ikiwa ni pamoja na kuinua vipaji kwa vijana na wanawake ili wasijibweteke  wajitume kwa nia ya kuweza kupata ajira ilio sahihi

Wema Sepetu akiwa na Katibu wa UWT wilaya ya Ikungi Bi Yagi Kiaratu kabla ya mkutano kuanza mapema jana kwenye ukumbi wa mikutano RC Mission ( Picha na Doris Meghji)

Aidha kimeleza elimu  ya mgombea huo  ni ya Shahada ya biashara ya kimataifa aliyoipata chuo kikuu cha Limkokwingi nchini Malasyia mwaka 2007- 2009

Elimu yake ya msingi na sekondari ameipata shule ya kimataifa (International Primary School )  ambapo shule ya msingi ni mwaka 1994 – 200 na sekondari mwaka International Secondary School) 2001 – 2006

Mwenyekiti na katibu wa UWT kata ya Utemini wilaya ya Singida mjini wakiwa taari ukumbini kwa kuchagua wabunge wao watakao wawailisha kwenye bunge la jamuhuri ya Muungano wa Tanzania ( Picha na Doris Meghji)

Huku kuhusu uwanachama wake katika UWT ulianza mwaka 2009 ikiwa ni pamoja na uanachama wa UVCCM na Chama kwa ujumla alianza kuwa mwanchama mwaka huo wa 2009.

Wajumbe wa mkutano mkuu huo wa uchaguzi wa wabunge viti maalum kwa mkoa wa Singida kuptia CCM katika ukumbi wa RC Mission ( Picha na Doris Meghji)

Wema Sepetu amewashukuru wajumbe wa mkutano huo mkuu na kuwaeleza kwamba safari yake ya siasa ndio kwanza imeanza na kuwataka waendeele kumuunga mkono katika eneo la siasa.

Bi Aysharose Matembe aimsaidia kumfunga kitambulisho mgombea mwenzake Martha Gwau kabla ya uchaguzi kuanza katika ukumbi wa RC Mission ( Picha na Doris Meghji)

kwa mujibu wa uchaguzi huo walioibuka washindi katika uchaguzi huo wa wabunge wa viti maalum mkoani Singida ni Aysharose Matembe aliyepata kura 361 akifuatiwa na Martha Mlata kwa kupata kura 235 na hao kuwa ndio washindi katika kinyang'anyiro hicho.

Ni Aysharose Matembe kulia na kushoto ni Martha Mlata washindi katika uchaguzi huo wa wabunge wa viti Maalum kwa tiketi ya CCM mkoa wa Singida mara baada ya kutangazwa washindi kwenye uchaguzi huo ( Picha na Doris Meghji)

Naye Mwenyekiti wa UWT mkoa na mbunge wa viti maalum  Diana chilolo aliyekuwa kitetea nafasi yake ameshika nafasi ya tatu kwa kupata kura 186 kati ya idada ya kura 490 zilizopigwa katika uchaguzi huo.

Bi Diana Chilolo  mwenyekiti wa UWT mkoa wa Singida akifungua mkutano mkuu wa uchaguzi wa wabunge wa viti maalum katika ukumbi wa RC mission ( Picha na Doris Meghji)

Katika uchaguzi huo Bi Aisharose Matembe na  Bi Martha Mlata  ndio walioshinda kwenye kinyang'anyiro hicho mkoani Singida

Hivyo  wagombea hao wawili ndio wanaohitajika kuwakilisha wanawake wa mkoa wa Singida katika Bunge la Jamuhuri ya Muungano wa Tanzania pindi chama cha mapinduzi kikishinda kwenye uchaguzi mkuu wa wabunge wa majimbo na urais Oktoba 25 mwaka huu.

Hata hivyo jumla ya wagombea kumi na tatu wamejitokeza kugombea nafasi hiyo ya ubunge wa viti maalum na wagombea wawili kutoka kitengo cha walemavu na NGO’s ambao ni Sarah A Mkumbo na  Hawa Athumani Sengwa na kufanya idadi ya wagombea  kuwa 15 kwenye uchaguzi huo.

Wajumbe wa mkutano mkuu huo wa uchaguzi wa wabunge viti maalum kwa mkoa wa Singida kupitia CCM katika ukumbi wa RC Mission ( Picha na Doris Meghji)

Kushoto ni Mwenyeiti wa jumuhiya ya wazazi mkoa wa Singida,akifuatiwa mwenyekiti wa UWT mkoa wa Singida Bi Diana Chilolo,katikati ni Dkt Parseo Kone Mkuu wa mkoa wa Singida na msimamizi mkuu wa uchaguzi huo kulia ni kiamu katibu wa CCM mkoa wa Singida Alusegemba wakiwa tayari kuanza mkutano mkuu wa uchaguzi wa wabunge wa viti maalum mkoa wa Singida (Picha na Doris Meghji)

Waandishi wa habari wakiwa nje ya ukumbi mara baada ya mkutano kufunguliwa wa uchaguzi  mkuu wa wabunge wa viti maalum mkoani Singida na kutakiwa kutoka nje wakati wagombea wakijinadi katika uchaguzi huo ( Picha na Doris Meghji)

MWISHO.