ZOEZI LA UCHUKUAJI WA FOMU ZA KUGOMBEA NAFASI YA UDIWANI NA UBUNGE UMEANZA LEO NDANI YA CCM - SINGIDA

Na, Doris Meghji Jumatano Julai 15,015

Singida

Ugawaji  wa fomu za uchaguzi katika kugombea nafasi za  uwakilishi wa wananchi ngazi ya ubunge na udiwani umeanza leo ndani ya chama cha mapinduzi nchini

Hii ni fomu ya kugombea nafasi ya udiwani ubunge kwa chama cha mapinduzi (Picha na Doris Meghji)

Nikitembelea moja ya ofisi ya kata ya chama cha Mapinduzi ndani ya manispaa ya Singida  Kata ya Utemini nakutana na mmoja wa wagombea nafasi ya udiwani Bartazary Kimario akichukua fomu katika kugombea nafasi hiyo udiwani akiwa ni diwani anayeitetea nafasi yake.

Bartazary Kimario akijaza jina lake katika kitabu cha kujiorodhesha cha watia nia katika kugombea nafasi ya udiwani kata ya utemini leo ofisi za chama kata ya utemini (Picha na Doris Meghji)

Aidha katika kupata maelezo juu ya taratibu za kugombea nafasi hiyo katibu wa CCM kata ya Utemini Bi Mary Frank amesema kugombea nafasi hiyo ya udiwani jumla ya shilingi laki tano na elfu zinahitajika kutolewa na kila mtia nia wa  kugombea nafasi hiyo kwa kiasi cha shilingi elfu 10,000/= kwa ajili ya ada ya fomu huku shilingi  500,000/= ikiwa ni mchango wa kampeni ya uchaguzi ndani ya chama hicho.

Mary Frank Katibu wa CCM kata ya utemini akimkatia stakabadhi ya malipo ya fomu na mchango wa kampeni mtia nia ya kugombea nafasi ya udiwani Bartazary Kimario mara baada ya kufika kuchukua fomu ofisini hapo ( Picha na Doris Meghji)

Amesema kila mtia nia wa nafasi hio ya udiwani anatakiwa kuwa na wadhamini 25 wakiwa ni wanachama wa kawaida wa CCM kutakiwa kumdhamini mgombea wa nafasi hiyo.

Mary Frank katibu wa CCM ata ya utemini akimkabidhi fomu mtia nia Bartazary Kimario katika kugombea nafasi hiyo ndani ya CCM leo katika ofisi ya kata (picha na Doris Meghji)

Zoezi hilo la uchukuaji wa fomu hizo  limeanza leo  Julai 15 hadi Julai 19 saa kumi kamili jioni

Hii ni stakabadhi ya ada ya fomu ya kugombea nafasi ya udiwani  kwa tiketi ya CCM (Picha na Doris Meghji)

Hivyo amweataka wananchama na makada wa CCM kujitokeza kugombea nafasi hiyo kwa kuwa ni haki ya kila mwanachama hai  kikatiba wa kata hiyo.

Hii ni stakabadhi ya mchango wa kampeni ndani ya chama hicho katika ngazi ya nafasi ya udiwani (Picha na Doris Meghji)

Mary Frank Katibu wa CCM ata ya Utemini akikagua kadi ya uanachama wa ccm ya  mtia nia Bartazary Kimario mgombea wa nafasi ya udiwani  katika ofisi ya kata ya utemini leo mara baada ya kufika kuchukua fomu ya kugombea nafasi hiyo ya udiwani (Picha na Doris Meghji)

Hata hivyo kata ya utemini ni moja kati ya kata 18 zinazounda jimbo la singida mjini mkoani hapa.

MWISHO.