AJALI - 13 WAFARIKI DUNIA NA MMOJA KUJERUHIWA LEO ENEO LA ISUNA SINGIDA

Na, Doris Meghji Jumatatu Januari 20,2014

Singida

Watu kumi na tatu (13)wamefariki dunia na mmoja kujeruhiwa leo majira ya saa mbili (2:00) asubuhi baada ya ajili  iliyohusisha magari mawili gari la abiria la aina ya Noah na lory skania eneo la kijiji cha Isuna wilaya Ikungi Mkoani Singida

askari wa usalama barabarani na foleni ya wananchi waliofika kutambua ndugu zao wakisubiri kuingia katika chimba cha mochwari hosptali ya mkoa wa Singida( Picha Na Doris meghji)

Akiongea na waandishi wa habari Kamanda wa Jeshi la Polisi Mkoa wa singida SACP  Geofrey Kamwela amesema ajali hiyo imetokea leo  majira ya saa mbili asubuhi  eneo la Isuna wilaya ya Ikungi ,kwa  gari aina ya Lory scania yenye usajili namba T.687 AXB mali ya Musa Transpot likitokea Mkoani Mwanza likiwa limebeba samaki wabichi kugongana na uso kwa uso  na gari aina ya Noah yenye usajili namba T.730 .BUX mali ya Mbua Ndofu mkazi wa Ikungi likitoka Itigi kuja Singida mjini na kusababisha vifo vya watu 13 na kujeruhi mtu mmoja katika ajali hiyo

baadhi ya wananchi waliojitokeza kuja kutambua maiti za ndugu zao leo katika eneola mochwari hospitali ya mkoa wa singida (picha na Doris Meghji)

Kwa mujibu wa kamanda Kamwela amesema chanzo cha ajali hiyo ni mwendo kasi na uzembe wa madereva barabarani “katika kukagua tukio inaonyesha ni uzembe, magari hayo wamekutwa upende mmoja wa barabara upende wa  gari aina ya Noah”alisema kamanda Kamwela

Aidha katika kutiko hilo dereva gari aina ya noah alifariki dunia hapo hapo huku dereva wa Lory Skania na utingo wake  walikimbia na kuliacha lory hilo

maiti mbili katika chumba cha mochwari hosptali ya mkoa wa Singida(Picha na Doris Meghji)

Hata hivyo jeshi la polisi mkoani Singida linatoa wito kwa wananchi wote wa mkoa huu na Tanzania kwa ujumla kwa watumiaji wa barabara kuwa waangalifu hasa katika kipindi hiki cha msimu wa mvua jambo ambalo husababisha ajali na kupoteza nguvu kazi,uharibifu wa vyombo vya usafiri na miundo mbinu ya barabara

Jeshi la polisi linaendelea na kuwatafuta derava na utingo wa lory hilo

Kwa upande wa mganga mfawidhi wa Hospitali ya mkoa wa Singida (MOI) Daktari Joseph Malunda amesema hospitali ya mkoa  imepoke leo majira ya 4:00 asubuhi maiti 13  na majeruhi mmoja.

Kwa mujibu wa Daktari, Malunda ametaja jina la aliyejeruhiwa katika ajali hiyo kuwa ni Hamis Daud mwenye umri  miaka 23 amelazwa katika hospitali  hiyo ya mkoa na hali yake enanedelea vizuri ambapo amekatika mkono wa kushoto na majereha kidogo kichwani

mmoja ya maiti ya ajli hiyo katika chmba cha mochwari hospitali ya mkoa wa singida(picha na Doris Meghji)

Kwa upende wa watu waliopoteza maisha amewataja kuwa ni  Haji Mohamed (29) mkazi wa msisi,Salma Omary Mkazi wa Itigi,Omary Shabani (44) mkazi wa Itigi,Ramadhani Mianga Mkazi wa Sanjaranda,Athumani Kalemba (38) Mkazi wa Mtukula,Matunku Rashid (68 ) mkazi wa Sanjaranda,Samiri Shabani (20) mkazi wa Puma,Nyumumwi Omary  (10) mkazi wa Itigi,Swalehe Hassan (28) Mkazi wa sanjaranda,Florence Mwaleki Nkuwi (35) Mkazi wa Ikungi,Devid Emmanuel Suleman (24) mkazi wa Sanjaranda,Martin Marco (38) mkazi wa Itigi na mtoto mwenye umri wa miezi 4

Askari wa usalama barabarani wakichukua maelezo ya baadhi ya wanachi nje ya mochwari ya kutambua ndugu zao(picha na Doris Meghji)

Daktari  Malunda amesema katika maiti hizo maiti 4 ni za familia mmoja ambapo baba,mama na mtoto wa miaka 10 na kichanga cha miezi minne kimefariki dunia kutokana na ajili hiyo

Hivyo maiti zote kumi na tatu zimekwesha tambulika na ndugu zao.

Mwisho

baadhi ya watu wakisubiri kuingia Mochwari ya hosptali ya mkoa kutambua maiti za ndugu zao( Picha na Doris Meghji)

Baadhi ya aski wa jeshi la polisi wakiwa kazini kuchukua maelezo ya ndugu ya maiti ajali ya watu waliiofariki dunia leo(picha na Doris Meghji)