WMO- KUSAIDIA ONGEZEKO LA PATO LA KAYA KWA BAADHI YA FAMILIA MKOANI SINGIDA

Na, Doris Meghji Jumatano 22,2014

Singida

 

baadhi ya mizinga  ya nyuki ikiwa imetundikwa katika msitu wa Agondi wilaya Manyoni Mkoani Singida

Suala la ongezeko la pato ngazi ya kaya laweza kuongezeka kwa baadhi ya wananchi wa mkoa wa Singida hasa kwa wanawake ambao ndio walezi wakuu wa familia imefahamika.

Hayo yamebainishwa wazi na Mwenyekiti wa chama cha waandishi wa habari wanawake (WMO) mkoani singida Bi Evarista Lucas wakati akifanya mahojiana blog hii bara baada ya kupata ruzuku toka mfuko wa misitu Tanzania (TTF) Tanzania Forest Fund kiasi cha shilingi million 10, kuwa chama chake kinatarjia kutoa elimu na usaidia wanawake  juu ya suala la utunzaji wa misitu kupitia ufugaji nyuki katika vikundi vinne kwenye vijiji vya wilaya ya Ikungi na Singida.

 

Bi Evarista Lucas Mwenyekiti wa Chama cha waandishi wa habari wanawake WMO mkoa wa singida akifanya mahojianao na karibusingida blog.

Kwa mujibu wa Bi Lucas amesema “wanawake na watoto ndio walengwa wakuu wa mradi huu, lengo letu ni kuongeza pato la kaya kwa upande wa wanawake hivyo vikundi vinne kutoka katika vijiji hivyo vinavyofuga nyuki tutavipatia mizinga ya kisasa 20 kila kimoja ambapo wakitumia vizuri watavuna asali ya kutosha na watauza na kuongeza kipato kwa kaya zao.alieleza Bi lucas

mmoja ya mzinga wa kisasa mtaalam akionyesha jinsi gani nyuki wakataa katika mzinga huo(picha na Doris Meghji)

Aidha amesema mradi huu unatarjiwa kuanza mapema mwaka huu hasa katika mwezi huu wa januari ndio mwezi wa kutundika mizinga katika misitu hiyo ambapo baadhi ya vijiji vitakavyonufaika na mradi huo ni pamoja na kijiji cha Ilongero,Masweya na Ighombwe vyenye vikundi vya ufugaji nyuki.

Baadhi ya Mizinga ya kisasa katika msitu wa Agondi wilaya ya Manyoni Mkoani Singida (picha na Doris Meghji)

Akisisitiza juu ya utekelezaji mradi huo amesema  utunzaji misitu na mazingira  chama chake kitatoa elimu ya utunzaji  mazingira na kufundisha  mbinu mbadala za ufugaji nyuki kwa kutimia mizinga hiyo ya kisasa na urinaji asali zisiozoharibu mazingira wakati wa kurina.

Mbunge wa viti Maalum CCM na Mwenyekiti wa UWT mkoa wa Singida Mh. Diana Chilolo  akiwa pamoja na Mh Mohamed Misanga wakitembelea banda  la kuuza asali katika siku ya utundikazi mizinga kitaifa katika msitu wa Agondi wilayani Manyoni (Picha Doris meghji)

Hata hivyo kwa upande wa soko la asali amesema soko liko wazi kutokana faida na manufaa ya asali kwa binadamu ambapo bei ya sasa ya lita mmoja ya asali ya nyuki wadogo  ni shilingi 10,000/= huku lita ya nyuki wakubwa ni shilingi 8000/= kwa lita.

Mwisho