Breaking news, Ajali mbaya ya basi imetokea leo mchana Singida

Na Dorris Meghji
Jumatatu 13 Januari 2014

Abiria 28 wakiwemo watoto wanne wamejeruhiwa baada ya basi walilokuwa wamesafiria la Kampuni ya Shabiby kugongana na Lori tupu la mafuta na kupinduka katika kijiji cha Kisaki umbali wa kilometa 10 kwenye Barabara Kuu ya kutoka Mjini Singida kwenda Dodoma.

Basi la Kampuni ya Shabiby likiwa limepinduka mara baada ya kugongana na gari la kusafirishia mafuta leo katika kijiji cha Kisaki katika manispaa ya Singida

 

 

Taarifa zilizopatikana kwenye eneo la tukio zimeelezwa kuwa Basi hilo lenye namba T930BUW aina ya Yutong  lililokuwa likiendeshwa na Dereva wake ambaye

 amekimbia mara baada ya ajali hiyo linakadiriwa kuwa na abiria wapatao 48 lilipata ajali hiyo jana saa 6:50 mchana wakati lilipojaribu kulipita lori hilo upande wa kulia .  

Taarifa hizo ambazo pia zimethibitishwa na Mkuu wa Wilaya ya Singida zinasema kuwa kitendo hicho kilisababisha kuligonga Lori hilo RAA 496N aina ya MERCEDES BENZ lililokuwa likitokea Mjini Kigali nchini Rwanda kwenda Dar es Salaam likiwa na dereva wake Barimana Benjamini (37) na kuanguka upande wa kulia wa Barabara na kujeruhi abiria28

Basi la kampuni ya Shabiby likiwa limepinduka na kuharibika vibaya sehemu ya mbele

Baadhi ya abiria wakiwa hawajui la kufanya mara baada ya kutokea kwa ajali hiyo eneo la kijiji cha Kisaki km 10 toka makao makuu ya Manispaa ya Singida

 

MWISHO