KUMI NA TATU WAPOTEZA MIASHA LEO KUTOKANA AJALI- MKOANI SINGIDA

Na Evarista Lucas

Singida

Jan 20,2014

Imeelezwa kuwa; watu kumi na watatu wamepoteza maisha papo hapo mapema leo saa mbili za asubuhi katika ajali ya gari;  ambapo gari aina ya Noah imegongana uso kwa uso na lori la mizigo aina  ya Skania.

 

Akithibitisha kutokea kwa ajali hiyo; kamanda wa Polisi mkoani hapa bwana Geofrey Kamwela amesema; katika ajalihiyo iliyotokea katika kijiji cha Isuna wilayani Ikungi mkoani Singida waliofariki ni abiria kumi na watu kati yao mwanamke mmoja na binti wa miaka kumi.

 

 Kamwela amesema gari ya abiria aina ya Noah yenye namba T370 BUX mali ya Mbua  Ndofu mkazi wa Ikungi; ikiwa na abiria kumi na wanne akiwemo dereva wa gari ilikuwa ikitokea itigi kuja Singida mjini na ndipo ilipokutana uso kwa uso na lori hilo lenye namba  T 687 AXB mali ya Mussa transport lilokuwa limetokea Mwanza likiwa limebeba samaki wa bichi.

 

Aidha; Kamwela amesema kuwa baada ya uchunguzi wa ajali  hiyo iliyotekea kwa uzembe katika bara bara kuu ya Singida- Dodoma upande ambapo noah ilikuwa ikipita; imebainika kuwa gari zote mbili zilikuwa katika mwendo kasi kutokana na uharibifu uliojitokeza katika magari hayo ambapo Noah ilipita chini ya uvungu wa lori hilo.

 

Mbali na hayo Kamwela ametoa wito kwa madereva wote kuwa waangalifu katika kipindi hiki cha mvua ambapo bara bara zinakuwa na utelezi na pia ukungu mwingi hali ambayo ni hatari kwani inaweza kusababisha matatizo kwa  binadamu na uharibifu wa miundo mbinu.

Kwa upande mwingine; Jeshi la Polisi mkoani Singida linaendelea kuwasaka dereva na utingo wa lori hilo ambao walitokomea kusikojulikana mara baada ya ajali hiyo ili kujibu tuhuma zinazowakabili.

 

Kwa upande wake mganga  mfawidhi wa Hospitali ya Mkoa wa Singida Dokta Joseph Malunda amethibitisha kupokea miili ya marehemu hao kumi na watatu na  majeruhi mmoja Hamisi Daudi miaka 23 aliyesalimika katika ajali hiyo.

Malunda amesema kuwa majeruhi huyo aliyekuwa katika Noah amekatika mkono wa kushoto na  ana majeraha katika kichwa; na kusema kuwa majeruhi huyo anendelea  anaendelea vizuri na kuwa  anaendelea kupatiwa matibabu hospitalini hapo.

Amewataja waliofariki katika ajali hiyo ni Salma Omari(umri ha ukufahamika), Omary Shabani(44), Nyamumwi omari(10), motto mchanga wa miezi mine, Martin Marko(30) wakazi wa Itigi mkoani hapa. 

Wengine ni Devid Emanuel Suleman(24), Matunku Rashid(68), Swalehe Hassan (28) wa Sanjaranda, Athuman Kalemba(38) wa Kyaka  Mutukula, Jaji Mohamed (29) wa Msisi,  na Samir Shaban (20) wa Puma.

MWISHO