Na Evarista Lucas

Singida,

Jan  20,2014

Wito umetolewa kwa viongozi wa kidini kuwa na mawasilano mazuri kuanzia ngazi ndogo ya jumuiya ndogo ndogo hadi ngazi ya uongozi wa juu ili kuimarisha utendaji kazi katika kumtangaza Kristo.

Wito huo umetolewa mapema jana na paroko wa parokia ya Moyo Mtakatifu wa Yesu, Jimbo Katoliki la Singida; Padri Jonas Mlewa wakati akitoa neon la shukrani kwa niaba ya mapadri wa Parokia hii katika hafla fupi ys kuwapongeza kwa utume wao.

Mlewa amesema; mawasiliano  ndiyo yanayopelekea utendaji kazi kuwa mwepesi na kazi kuonekana nzuri na kuwaasa vioongozi kuondoa mwanya wa mawasiliano kuanzia ngazi ya Jumuiya ndogo ndogo hadi kwao mapadri.

Sanjari na hayo Mlewa ameongeza kusema kuwa  kwa kitendo kilichooneshwa na viongozi hao wa kidini si tu kuutambua uwepo wao kama watenda kazi katika shamba la bwana; bali ni neno lile lisemalo “Hii ndio siku aliyoifanya Bwana, tufurahi na tuishangilie…”

Ameongeza kusema kuwa mapendo yana nguvu kuliko mauti na kwamba mtu akipenda hakuna kinachomshinda na kusisitiza kuwa huo ndio upendo waliokuwa nao hao viongozi kwa kutenga siku hiyo maalumu kuwapongeza mapadri hao.

Mbali na hayo Mlewa amewataka viongozi wa Jumuiya ndogo ndogo kuwaamsha wale waliolala katika imani na kushindwa kuhudhuria jumuiya ndogo ndogo. Huku akiwataka viongozi wa jumuiya kuhakikisha kuwa kila jumuiya inakuwa na daftari ya mahudhurio ili kuwajua wale wasiohudhura.

Kwa upande mwingine; Makamu Mwenyekiti wa Parokia ya Moyo Mtakatifu wa Yesu jimboni Singida  bwana Abel Nyaswa amewaasa wazazi na watu wengine kuepuka kuwawekea vikwazo vijana  wanaopenda wito wa upadri na utawa ili kuongeza watenda kazi jimboni hapa.

Amesema; badala ya kuwavunja moyo vijana hao, wazazi na walezi hawanabudi kuwatia moyo vijana hao ili waweze kuyafikia malengo waliojiwekea na hatimae kanisa lijivunie kwa kupata matunda hayo.

Ameongeza kusema kuwa hafla hii leno lake ni kuweza kuwasaidia mapadri wa Parokia hii waweze kupata mahitaji yao muhimu kama ilivyoazimiwa katika mkutano mkuu wa kichungaji mnamo mwaka 2008.

Aidha ; Nyaswa amesema kuwa licha ya maadhimisho haya kutokufanyika toka ilipoazimiwa miaka sita iliyopita; amesema kuwa kitendo hicho ni cha shukrani kwa viongozi hao wa kiroho na kuwa kiwe cha kumtolea Mungu shukrani kwa mema aliowajalia na na kujenga ukaribu na vioongozi wao wa kiroho.

Ingawaje tukio hili la kuwapongeza mapadri linaadhimishwa kwa mwaka “C” wa Kanisa ambao ulikuwa ni Mwaka wa Imani, na tukio la kwanza la kihistoria kwa Parokia ya Singida; hafla hii imekuwa chachu kwa Parokia nyingine jimboni hapa katika kuadimisha siku hii kama ilivyoazimiwa

 

MWISHO.