MTOTO AIBIWA - TAARIFA TOKA JESHI LA POLISI MKOA WA SINGIDA

Na. Doris Meghji Jumatano Januari 15,2014

Singida

Mtoto wa umri wa mwaka moja na mwezi mmoja ameibiwa jana na mwanamke mmoja asiyefahamika katika mtaa wa Ginery kata ya Mandewa manispaa ya Singida

Kamanda wa polisi Mkoa wa Singida SACP Geofrey Kamwela akisoma taarifa ya jeshi hilo kwa vyombo vya habari leo ofisini kwake (Picha na Doris Meghji)

Akitoa taarifa hiyo ya tukio kwa waandishi wa habari leo kamanda wa jeshi la polisi mkoa wa Singida SACP Geofrey Kamwela amesema tukio hilo limetokea jana  ambapo mtoto Meristiana Samweli mwenye umri wa mwaka mmoja na mwezi mmoja aliibiwa na mwanamke asiyefahamika

Amesama taarifa ya kuibiwa kwa mtoto huyo kulikuja mara baada ya mama wa mtoto huyo kubaini kuwa ameibiwa na kutoa taarifa kwa wasamaria wema na kufika kituo cha polisi. 

Kwa mujibu wa kamanda Kamwela amesema siku mmoja kabla ya tukio mama wa mtoto huyo Fatuma Jumanne (26) mkazi wa Misuna akiwa na mwanawe nyumbani kwake alitokea mwanamke huyo akidai anatafuta msichana wa kazi hivyo hivyo kujenga urafiki na mama wa mtoto na kisha kuondoka siku hiyo

Afisa Habari wa jeshi la Polisi Shaban Msangi na mmoja wa waandishi wa habari Standard Radio Ofisi ya kamanda wa jeshi la polisi wakisiliza taarifa kwa vvyombo vya habari leo majira ya saa saba na nusu mchan(Picha na Doris Meghji)

siku ya tukio mwanamke huyo alirudi tena na baada ya mazungunzo ya muda mrefu alimuomba mama na mtoto amsindikize huko eneo laa Ginery kwenda kuangalia nyumbani kwake kwa kuwa mama mwenye mtoto alikuwa na wataoto wawaili mkubwa na mdogo yule mwanamke aliomba kumbeba mtoto mdogo,

walipofika eneo la Ginery aliwapeleka kwenye mgahawa na kununua chai pamoja huku yeye akiwa na mtoto mkubwa akampeleka kwenye duka moja na kumnunulia soda na hapo akamwambia wamsubiri akachukue ufunguo katika duka lililopo karibu na kuondoka na mtoto akiwa amembeba mtoto huyo. Baaba ya kusubiri kwa muda mrefu wanamke huyo hakurudi hivyo kutokomea na mtoto huyo kusikojulikana 

Kamanda wa Jeshi La Polisi Mkoa wa Sindia SACP Geofrey Kamwela akifafanua jambo kwa waandishi wa habari (Picha na Doris Meghji)

Hata hivyo jeshi la Polisi mkoani Singida linawaomba wananchi wa mkoa wa singida kutoa taarifa kwa serikali ya mtaa, kijiji, na kituo cha polisi chochote wakimuona mtu yoyote mwenye mtoto mdogo mwenye umri wa mwaka mmoja na mwezi mmoja atakayeonyesha dalili za mtoto kutokuwa wake

Jeshi la polisi linaendelea na uchunguzi mkali wa tukio hilo

Mwisho