TAKUKURU - SINGIDA

Na Evarista Lucas

Singida

Januari 01,2014

 

 

Imeelezwa kuwa kwa kipindi cha kati ya mwezi ya Januari na Desemba mwaka jana; Taasisi ya kuzuia na kupambana na rushwa (TAKUKURU) mkoani Singida, imepokea taarifa mia moja na mbili za malalamiko dhidi ya  vitendo vya kuomba na kupokea rushwa.

 

Akitoa  taarifa kwa vyomba vya habari mapema juzi juu ya utekelezaji wa majukumu yake kwa kipindi cha kuanzia januari hadi desemba mwaka jana;  mkuu wa TAKUKURU mkoani hapa Bwana Joshua Msuya amesema kuwa kati ya taarifa hizo, themanini na saba ziko kwenye uchunguzi wa hatua mbali mbali, kumi na tatu zilitolewa ushauri kwa walalamikaji na  mbili zimehamishiwa katika idara nyingine.

 

Sanjari na hayo Msuya amesema kuwa taarifa hizo za mwaka jana, ni ongezeko la asilimia 11.7 ikilinganisha na taarifa 94 za mwaka juzi na kuongeza kuwa katika taarifa hizo, watuhumiwa wa jinsi ya kike ni kumi na saba na taarifa  themanini na watano  watuhumiwa wake ni wa jinsi ya kiume. Akifafanu zaidi, mkuu huyo,alisema taarifa hizo za mwaka jana, ni ongezeko la asilimia 11.7 ikilinganisha na taarifa 94 za mwaka juzi.

 

Msuya amesema ongezeko la taarifa linatokana na jitihada za kutoa semina na elimu kwa wananchi na makundi mengine katika jamii ambazo zilifanywa na TAKUKURU mkoa zikiwa na lengo la kuwajengea ujasiri walengwa juu ya  kuvifichua na kuvipinga vitendo vya rushwa.

 

Katika hatua nyingine, Msuya alitaja baadhi ya changamoto wanazokabiliana nazo ambazo ni jukumu la kupambana na rushwa kuchukuliwa kuwa ni la TAKUKURU peke yake na kukosekana kwa uzalendo miongoni mwa baadhi ya wananchi, kiasi kwamba mtu akiona vitendo vya rushwa vinafanyika, anaona sio jukumu lake kuvikemea.

 

TAKUKURU mkoani hapa imeanzisha Klabu za kupinga na kupambana na rushwa kwa ngazi za shule za sekondari na vyuo kwa lengo la kuwajengea uelewa na mazingira ya kuichukia rushwa na kuripoti vitendo vya rushwa.

 

MWISHO.