VIFO

Vifo

Na Evarista Lucas

Jan 17,2014

Imeripotiwa kuwa; watu watatu  wamepoteza maisha mkoani Singida  katika matukio tofauti ya kogongwa na magari  katika nyakati tofauti tofauti mwanzoni mwa mwaka huu wa 2014..

Akitoa taarifa kwa vyombo vya habari ofisini kwake mapema leo; Kamanda wa jeshi la polisi mkoani Singida bwana Geofrey Kamwela,amesema katika tukio la kwanza ambalo  limetokea januari 14 mwaka huu saa 11.00 jioni huko Itigi wilayani Manyoni mkazi wa Itigi wilayani hapo aliyefahamika kwa jina la Katendere Nyiga (60), amefariki dunia baada ya kugongwa na gari lenye namba  T.275 APE mali ya Nurdini Mshana.

 Kamwela amesema  katika tukio jingine mwanafunzi wa darasa la nne katika shule ya msingi Ulyampiti wilayani Ikungi Amri Labia (12) ,amefariki dunia baada ya kugongwa na gari.

Amesema; tukio hilo limetokea januari 14 mwaka huu saa 11.30 jioni huko katika kijiji cha Ulyampiti na kusema kuwa mwanafunzi huyo amegongwa na gari yenye namba T.BBB aina ya Toyota land cruiser mali ya kanisa katoliki jimbo la Singida  lilokuwa likiendeshwa na  Padre wa Manyoni mjin bwana John Vustan (48) i .

Aidha katika tukio jingine,Kamwela amesema mkazi wa Kibaoni kata ya Kindai tarafa ya Mungumaji manispaa ya Singida,bi Pili Ally (30) amefariki dunia januari 14 mwaka huu saa mbili usiku baada ya kugongwa na gari lenye namba T.529 BLL.

Amesema;mtembea kwa miguu huyo amegongwa na gari  la maji machafu wakati  akivuka barabara kuu ya Singida-Dodoma,lakini ghafla alirudi tena upande alikotoka na hatimaye kugongwa.